startimes
Kigali
startimes

Nahaye Umugabo wanjye Uburenganzira bwo kuryamana n’abandi bagore none binkozeho- NKORE IKI?

Amakuru   Yanditswe na: Martin Munezero 28 July 2020 Yasuwe: 4110

Abakunzi ba ngira inama ku Umuryango bakomeje kutwandikira badusangiza ubuhamya bwabo mu ngo ari nako badusaba hamwe n’abakunzi b’iki gitangazamakuru kubagira inama.


Sponsored Ad


Ariko inama uyu asaba zishobora kuba zirenze ubushobozi bwacu.
Turabasaba kumugira inama kuko twe byaturenze.Ngaho nimwiyumvire.

Siniriwe nivuga amazina ariko ndasumbirijwe nukuri.
Ndubatse, mfite imyaka 30.

Jye n’umugabo wanjye tubyaranye kabiri kandi tubaho ubuzima busanzwe,nta bibazo byihariye dufite mu rugo.

Mu bukumi bwanje narishimishije bihagije mu mibonano mpuzabitsina n’abantu batandukanye.

Sinari indaya kuko nabikoraga ntagamije ikiguzi cyangwa ibindi bintu.
Byari ugushaka ubunararibonye mu buzima bw’imyororokere no kwimara amatsiko.
Nakoze imibonanompuzabitsina n’abasore, abagabo ndetse nanishimishije n’abakobwa.

Ariko ibi ntibyanshamaje kuko muri kamere yanjye ntari umutinganyi.
Nkimara kubana n’umugabo wanjye sinamuhishe ibyo nakoze mu bukumi bwanjye byose, kuko twasezeranye kutagira icyo duhishanya. Ibi byamuteye ikintu kimeze nk’ishyari kuko we atigeze aryamana n’abakobwa barenze batatu mu busore bwe, cyangwa ngo yishore mu ngeso zitandukanye ziranga bamwe mu basore.

Yambwiye ko amateka yanjye amubyutsamo igisa n’amashyushyu yo kwimara amatsiko nk’uko nanjye nabikoze.

Jye ndamwumva kuko burya bitera amatsiko cyane ari nayo mpamvu abagabo cyangwa abagore baca abo bashakanye inyuma bashaka kwimara amatsiko.
Namwemereye ko nitugira amahirwe, tuzagerageza gushimishanya n’abandi bantu twese turi hamwe, kandi tubiziranyeho kugirango nawe agabanye amatsiko afite.
Ibi sinabifata nko gucana inyuma mu gihe buri wese muri twe yaba azi icyo mugenzi we ari gukora.

Umunsi umwe hari couple y’inshuti zacu yadusuye tubiganiraho, tubyemeranwaho, ko tugiye kugurana,umugabo wanjye akaryamana n’umugore w’inshuti yacu nanjye nkaryamana n’umugabo w’incuti yacu kugirango batadutera ipfunwe no gufuha.

Mu by’ukuri,yaryamanye n’umugore w’incuti yacu mbireba, ariko jye sinaryamana n’uwo mugabo utari uwanjye.

Si uko bitashobokaga,ahubwo yambwiye ko we yumva atameze neza. Kera kabaye barangije gukora imibonano mpuzabitsina nsubirana umugabo wanjye,nanjye turabikorana,ndetse na bacuti bacu barabikorana ,ariko twabikoreye twese ku buriri bumwe.

Ku giti cyanjye, iyi mibonano rusange yaranshimishije cyane, ndetse nanarangije mu buryo ntigeze numva mbere. Ariko natunguwe n’uburyo umugabo wanjye yorohewe no kujya mu maguru y’undi mugore mu buryo ntakekaga. Gusa ntacyo mushinja kuko nari namuhaye uburenganzira. Nakinishije umuriro birangira mpiye.

Nkeka ko ashobora kuzongera gusambanya undi mugore.Ese ngire impungenge ko ibi twakoze bishobora kumutera kurarikira abandi bagore,na cyane ko umugore w’incuti yacu yamubwiye ko yaryohewe n’uburyo bateye akabariro?
Ubu ndahangayitse, mfitiye uyu mugore ishyari rikaze ndetse n’ubwoba ko umugabo wanjye yaba agiye gutangira kunsha inyuma.

Ndahangayitse kuko ndamukunda kandi nifuza ko arijye mugore yararikira gusa akaba ari nanjye turyamana jyenyine.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?

    Amategeko n'amabwiriza birkurikizwa


  • chat_bubble Charles

    Muraho. Komeza kumwizera nkuko wabyiyemeje. Niba waramuhaye uburenganzira. Ahubwo watangiye gufuha. Kubera amagambo wumvanye uriya

    1 week ago
  • chat_bubble vestino

    Ubuse imbere y’Imana murikugaragara gute koko??? Witeguye ko hari umuriro ugiye kuzaza gutwika abameze nkuko?? Nukuri ibyo murimo sibyiza nagato. None urikugisha inama ngurahangayitse ariwowe wabiteye. Kuki utagushije inama mbere hano ngo ubanze usobanuze niba bitazakugiraho ingaruka nkizfite ubu???? Zaburi 50:21 ngo ibyo urabikora nkakwihorera. Ukibwira ko mpanye nawe rwose. Ariko nzaguhana mbishire imbere yawe uko bikurikirana....
    Ngaho mwene data ita kuruyumuburo ugarukire Imana wowe numuryango wawe dore abobana mugiye kubatera agahinda bakure nabi rebakure ita kuhazaza utazasarura umuriro. Yesu aravuga ati uzahondi sinzamwirukana nahato.. fata umwanzu usange Yesu niho ibibazo byose ufite biributungane. Izindi nama uribwakire zitarimo Yesu urabukora ubusa

    1 week ago
  • chat_bubble cyprien

    Eheee! Nukwitonda ugashyira umutimahamwe ntazasubirayo ahubwo wowe niyamashusho yagusigaye mu mutwe." Buryarero urugorwubakwa n ibanga "

    1 week ago

Inzindi nkuru

Nkore iki ko iteka mba numva nshaka gukora imibonano mpuzabitsina?Rimwe...

Mfite imyaka 18, mbana n’ababyeyi banjye bose, Papa na Mama ariko buri gihe...
1 August 2020 Yasuwe: 3889 5

Nanduje umugabo wanjye Sida none nabuze aho muhera ngo mbimubwire,Nkore iki...

Nanduje umugabo wanjye SIDA none nabuze aho nabihera ngo mbimubwire Naciye...
31 July 2020 Yasuwe: 2649 6

Menya uko wakwitwara ku muntu waguciye inyuma ku mukunzi wawe

Gucana inyuma ni ibintu bibi cyane ku bashakanye, aho murusange iyo...
30 July 2020 Yasuwe: 1723 2

Nkore iki ko mu buriri nta kintu amarira. Mungire inama

Nakundanye n’umusore turanarushinga ariko ntazi gutera akabariro Umugabo...
30 July 2020 Yasuwe: 2520 5

Ally Niyonzima mu buryohe bw’urukundo n’umukobwa ufite Papa we...

Umukinnyi w’Ikipe y’Igihugu Amavubi akaba abarizwa muri Rayon Sports muri iyi...
29 July 2020 Yasuwe: 5679 0

Namuzanye iwanjye kugirango mufashe none yantwariye umugabo ubu ndenda...

Nikururiye murumuna wanjye none aransenyeye Umugabo wanjye afitanye...
29 July 2020 Yasuwe: 3320 0