Ndagisha inama:Umugore wanjye yemeye ko yanciye inyuma none kumureka byarananiye

13 September 2016. | URUKUNDO | 1 Ibitekerezo | Umumararungu Alice
  • Ndagisha inama:Umugore wanjye yemeye ko yanciye inyuma none kumureka byarananiye

Muri iki gihe usanga umuco wo gucana inyuma mu bashakanye usa naho ari ikintu kigezweho aho usanga bamwe amasezerano ntacyo akivuze imbere yabo.
Bamwe bashakana bishakira imitungo ariko hari n’abashakana ari urukundo bifuza kurambana nk’uko baba barabyemeranyije.

Umwe mu basomyi b’Ikinyamakuru Umuryango yashatse gusangiza abasura uru rubuga ibyamubayeho ndetse asaba ko mwamugira n’inama.

Mu buhamya bwe agira ati’’Bavandimwe basomyi n’abyobozi b’urubuga rwacu ndabashimiye!Nitwa
Kwizera emma nkaba ntuye i kigali ndubatse mfite umugore n’abana babiri tumaranye imyaka ine tubana!

Umugore wanjye aherutse gusambana n’undi mugabo ,mbimenyera mu bantu kuko akururukana n’uwo mugabo nkabimubaza buri gihe akansembera!Bigeze aho abona ko byafashe indi ntera arabinyemerera ati’’yanyirutseho igihe kinini ngeze aho ndemera
tuba incuti tugera n’aho tujya turyamana ati ndetse akenshi tugakorera
aho tutikingiye agera n’aho amutera inda banayikuramo.

Kandi iyo nda nanjye madame yari yambwiye ko ari iyanjye ariko njye ambwira ko inda
yagize ikibazo ivamo!naramwumvise ndamubabarira ambwira ko ubushuti
bwe nuwo mugabo bwashize!

Ariko kuva yabimbwira narabirwaye nta mahoro ndi kwibaza icyo nakora bikanyobera! nkibaza uburyo nzongera kumwizera,nkibaza uburyo nzizera abandi bana tuzabyara niba azaba ari abanjye.

Nkumva nanahemukira uwo muhabara we kuko muzi, byose bikandwanira mu mutima!Ubu n’ibiryo byarananiye nta mahoro!

Mungire inama y’icyo nakora!Murakoze cyane.’’

Ibitekerezo
  • MyPassion

    Kwizera Cedrik
    15 September 2016 - Musubize

    Muvandimwe ibintu byose ni ukubabarirana.
    Imana yaturemye tuyicumuraho kenshi cyane ntiraduciraho iteka. Nawe rero mwarakundanye gerageza umubabarire kuko yemeye ibyo yakoze. Saba Imana amahoro y’umutima niyo yonyine izagufasha kandi usenge cyane mu kwemera kwawe.

Tanga Igitekerezo