skol
Kigali
startimes

Reba inshuti 5 udakwiye kwibeshya ngo ugishe inama mu rukundo

Amakuru   Yanditswe na: Martin Munezero 16 June 2020 Yasuwe: 5743

Kugira inshuti ni ngombwa kandi byiza ariko siko zose ugomba kuzizera ku buryo wazibwira ibyawe byose cyangwa ukazigisha inama kuri byose bikureba, cyane cyane ku bijyanye n’urukundo cyangwa urugo rwa we.


Sponsored Ad


Muri izo nkoramutima zawe rero, menya izo ukwiriye kumva wisangaho kurusha izindi,ukaba wazibwira icyo ushattse cyose nta kwitangira, umenye izo ukwiriye kwitondera kugisha inama nk’izi eshanu zikurikira.

1. Utajya abika ibanga

Uyu ni ukumugendera kure naho ubundi wazasanga ibyawe byabaye akarenze umunwa karushya ihamagara, ugasanga ibyawe bizwi n’abantu bose. Burya umuntu utazi kubika ibanga kandi ugira amagambo umubwirwa n’uko na we akubwira amabanga y’abandi udakeneye kumva kandi utanayamubajije. Umuntu wicara akakubwira ubuzima bwa runaka cyangwa ibyabaye kuri runaka na we igihe mutari kumwe ibyawe azabibwira abandi.

2. Utemera ko urukundo rubaho

Burya mu nshuti ushobora kugira umwe utemera ko n’urukundo rubaho, wibera ku isi ya wenyine. Bene uwo ashobora kukugira inama itari yo mu by’urukundo kuko n’ubundi we ntarwemera, ntaruha uburemere.

3. Utamarana n’umukunzi kabiri

Ya nshuti yawe ihora ihindaguranganya abakunzi, uwo umusanganye si we umubonana nyuma y’igihe gito, ashobora kutakugira inama nzima kuko kuri we ashobora kuba atekereza ko igihe ikibazo kije hagati ya we n’uwo mukundana nta mpamvu yo kwivuna, ahubwo wahindura ugashaka undi, kandi mu by’ukuri n’abanyarwanda baravuga ngo nta zibana zidakomanya amahembe.

4. Umunyeshyari

Umuntu wibwira ko ari inshuti yawe cyangwa nawe ubwe akiyita inshuti yawe, ariko mu byukuri ugasanga akugirira ishyari, uwo ujye umugendera kure kandi inama ze ujye uzitondera. Umuntu nkuwo wamubwira ikintu cyiza cyakubayeho aho kugira ngo afatanye na we mu byishimo agahita ashakisha Ikindi kintu kuri we cyiza kurusha ibyawe. Mbese buri gihe agashakisha uburyo ibye byaba ari byiza kurenza ibyawe. Uwo nta nshuti imurimo ahubwo ni umunyeshyari, amaherezo yanakubera umwanzi.

5. Umuntu wumva ko azi ibintu byose kandi ko atajya yibeshya

Wa muntu uhora yumva ko ahora mu kuri, ko ibye bihora ari bizima kandi ko atajya yibeshya, ashobora kuba ari umuntu utazi gusesengura neza kandi udaca bugufi, akenshi unahorana uburakari iyo hari ushatse kumuvuguruza. Inshuti nkiyo nayo niyo kwitondera, inama ze nukuzitondera ukazisesengura kuko zishobora kukuyobya.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Reba ibintu 7 umukobwa wese agomba kuba yujuje kuburyo umugabo wese...

Umugore wese cyangwa umukobwa aho ava akagera aba yumva yakishimirwa na...
12 September 2020 Yasuwe: 3037 0

Sobanukirwa indimi 5 z’urukundo zihariye cyane kurusha izindi

Gutanga no kwakira urukundo bishobora gukorwa mu buryo butandukanye binyuze...
27 August 2020 Yasuwe: 2900 0

Ibyiza byo gutereta umugore ukuruta

Urukundo hagati y’umugabo uruta umugore abantu barubona nk’ibisanzwe ariko...
24 August 2020 Yasuwe: 3588 0

Reba ibyiza byo kurongora ukiri mu myaka 20

Ubushakashatsi bwasohotse mu kinyamakuru Daily Mail, bugaragaza ko abantu...
24 August 2020 Yasuwe: 3262 0

Miss Tania yashyize hanze ifoto arimo gusomana umunwa ku wundi na Rwabugiri...

Miss Tania usanzwe ari mu rukundo na Rwabugiri Umar yashyize hanze ifoto ye...
20 August 2020 Yasuwe: 5150 1

Reba amakosa ukora mu rukundo akazagira ingaruka ku buzima bwawe

1. Gufuha cyane : Byabaye akarande mu Bantu ndetse benshi babigize imvugo...
14 August 2020 Yasuwe: 2746 0