skol
startimes

UmunyaRwandakazi wa mbere watwaye indege "Mbabazi Esther" agiye gukora ubukwe n’umuhanzi wanamwabitse impeta(AMAFOTO)

Amatangazo   Yanditswe na: Martin Munezero 18 May 2017 Yasuwe: 20070

Esther Mbabazi umukobwa w’umunyaRwandakazi waciye agahigo ko kuba ariwe mugore wambere watwaye indege mu Rwanda agiye gukora ubukwe na Olivier Habiyaremye, umuhanzi ucuranga akanaririmba mu itsinda rikora umuziki wa rock rya Beauty For Ashes.

Urukundo rwa Olivier na Esther rwatangiye kuvugwa taliki 13 Ugushyingo 2016 ubwo uyu musore yambikaga uyu mukobwa impeta ishimangira urukundo rwabo, aho Olivier yabajije Esther niba yazakwemera kumubera umugore maze uyu mukobwa akabyemera atazuyaje ati “Yego”

Amakuru ava munshuti zaaba bombi yemezako imyiteguro y’ubukwe bwa Esther na Olivier igeze kure ndetse bakaba baramaze no gutangaza italiki y’ubukwe bwabo.

Olivier abicishije kurukuta rwe rwa facebook yashyizeho italiki bazakoreraho imihango y’ubukwe bwabo maze asaba inshuti ze kuzirikana taliki ya 16 Nzeri 2017 kuko uzaba ari umunsi udasanzwe kuri aba bombi aho bazaba bahamya kubana akaramata imbere y’inshuti n’imiryango.

Olivier yasabye inshuti ze kuzirikana iyi taliki y’ubukwe bwabo

Olivier Habiyaremye agiye gukora ubukwe nyuma ya mugenzi we baririmbana muri Beauty For Ashes wakoze ubukwe n’umuzungu kazi, Amanda Fung tariki 9 Nyakanga 2016 mu birori byabereye kumucanga i Gisenyi.

Mbabazi Esther ugiye gukora ubukwe na Olivier Habiyaremye,ubusanzwe ni umukobwa w’imyaka 29 ukora akazi ko gutwara indege muri Sosiyete ya Rwandair. Ni we munyarwandakazi wa mbere wakoze aka kazi.

Ubwo Olivier yambikaga Esther impeta ya fiyansaye

Uyu mukobwa avuga ko kuva akiri muto yumvaga inzozi ze ari ugutwara indege kuko ngo ubwo yari afite imyaka 4 gusa yajyaga abona ikintu kigenda mu kirere akumva agomba kuzagitwara kuko yumvaga byanze bikunze gitwarwa n’umuntu.

Izi nzozi zo gutwara indege zakabaye zaarakomwe mu nkokora n’urupfu rwa se wazize impanuka y’indege yabereye muri Kongo Kinshasa ubwo yari afite imyaka 8 y’amavuko, ariko ntiyacitse integer, inzozi ze azigeraho ku myaka 24 anabera abandi bakobwa irembo ryo kubona ko bishoboka.

Mbabazi wabereye indorerwamo abandi bakobwa bacyinjira mu mwuga w’ubupilote, gutinyuka no kudacika intege bimaze gutuma aba icyamamare ndetse akunze no gushyirwa kenshi ku rutonde rw’abagore bo ku mugabane wa Afrika bateye intambwe idasanzwe bakiri bato.

Rumwe mu ntonde yagaragayeho rukaba ari urwakozwe na Youth Village Africa muri 2013 rwamushyize ku mwanya wa kabiri mu Banyafurikakazi 30 bazamutse bakiri bato ndetse yagiye ahabwa n’ibihembo bitandukanye.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?

    Amategeko n'amabwiriza birkurikizwa


  • chat_bubble man power

    Muzagire urugo ruhire nubukwe bwiza muzabifashwemo ni MANA kandi musengere ubwo bukwe satan atazitambimo hagati

    May 2017
  • chat_bubble Musabe vestine

    Buzaberahe?ko twabukereye tuzagenda na Rwanda air

    May 2017
  • chat_bubble Musabe vestine

    Buzaberahe?ko twabukereye tuzagenda na Rwanda air

    May 2017

Inzindi nkuru

Itangazo rya cyamunara y’umutungo utimukanwa uherereye mu murenge wa Rilima...

Umuhesha w’inkiko w’umwuga aramenyesha abantu bose babyifuza ko kuwa gatatu...
17 August 2020 Yasuwe: 635 0

Itangazo: Uwitwa Umuhoza Ancille yasabye guhindura amazina akitwa Umuhoza...

Uwitwa Umuhoza Ancille yasabye guhindura amazina mu buryo bwemewe...
29 July 2020 Yasuwe: 529 0

Itangazo: Uwitwa Rusatira Jean Baptiste yasabye guhindura amazina akitwa...

Uwitwa Rusatira Jean Baptiste yasabye guhindura amazina mu buryo bwemewe...
29 July 2020 Yasuwe: 441 0

Itangazo rya cyamunara y’umutungo utimukanwa ugizwe n’isambu uherereye i...

Umuhesha w’inkiko w’umwuga aramenyesha abantu bose babyifuza ko kuwa gatanu...
11 June 2020 Yasuwe: 543 0

UmunyaRwandakazi wa mbere watwaye indege "Mbabazi Esther" agiye gukora...

Esther Mbabazi umukobwa w’umunyaRwandakazi waciye agahigo ko kuba ariwe...
18 May 2017 Yasuwe: 20070 3