Rutahizamu Cristiano Ronaldo ukina umupira w’amaguru mu ikipe ya Al Nassr, niwe waje ku isonga ku rutonde rwa Forbes rw’abakinnyi bahembwa menshi kurusha abandi ku isi,ibintu agezeho ku nshuro ya kane mu buzima bwe nk’umukinnyi,akurikirwa na Jon Rahm ukina Golf ku mwanya wa kabiri.

Sponsored Ad

Ronaldo kandi yayoboye uru rutonde umwaka ushize nyuma yo kwerekeza muri iyi kipe yo muri Arabiya Sawudite, Al Nassr.

Ikinyamakuru cy’ubucuruzi Forbes kivuga ko uyu mukinnyi w’imyaka 39 wo muri Portugal yinjije amadolari miliyoni 260 (£ 205m) - avuye kuri $ 136m (.7 108.7m) - mu mezi 12 ashize.

Umukeba ukomeye wa Ronaldo, Lionel Messi, yaje ku mwanya wa gatatu inyuma ya Rahm.

Uyu mukinnyi wa golf wo muri Espagne yazamutse ku mwanya wa kabiri aho bivugwa ko yinjije amadorari 218m (£ 172m).

Abakinnyi b’umupira w’amaguru, Neymar na Karim Benzema nabo binjiye mu myanya 10 ya mbere nyuma yo kwerekeza muri Arabiya Sawudite.

Giannis Antetokounmpo (uwa gatanu) yaje mu 10 ba mbere,hamwe na bagenzi be bakina Basketball nka LeBron James (uwa kane) na Stephen Curry (wa cyenda) kuri uru rutonde, naho umukinnyi wa American Football,Lamar Jackson ari ku mwanya wa 10.

Nk’uko Forbes ibitangaza, abakinnyi 10 bahembwa menshi ku isi bose hamwe binjije amadolari miliyari 1.38 $ (£ 1.06 miliyari) mbere y’imisoro n’amafaranga y’ababashakira amakipe ,mu mezi 12 ashize, akaba ari yo menshi cyane kurusha ayandi yose yabayeho.

Uko bakurikirana:

1. Cristiano Ronaldo, football: $260m (£205m)

2. Jon Rahm, golf: $218m (£172m)

3. Lionel Messi, football: $135m (£107m)

4. LeBron James, basketball: $128.2m (£101m)

5. Giannis Antetokounmpo, basketball: $111m (£88m)

6. Kylian Mbappe, football: $110m (£87m)

7. Neymar, football: $108m (£85m)

8. Karim Benzema, football: $106m (£84m)

9. Stephen Curry, basketball: $102m (£80m)

10. Lamar Jackson, American football: $100.5m (£79m)