Kigali

Abafana ba Arsenal bashimishijwe n’ibyo Umuyobozi wa Lyon yatangaje

Imikino   Yanditswe na: Dusingizimana Remmy 3 July 2017 Yasuwe: 1037

Mu gitondo cyo kuri uyu wa 03 Nyakanga nibwo abafana ba Arsenal baramukanye akanyamuneza ku mbuga nkoranyambaga zabo nyuma yo kumva ibyatangajwe ni umuyobozi w’ikipe ya Lyon Jean Michel Aulas ikinamo rutahizamu Alexandre Lacazette wifuzwa cyane n’ikipe ya Arsenal.

Iyi kipe yo mu Bwongereza imaze iminsi ishaka uyu musore aho umutoza Wenger aherutse gutangaza ko bazakora ibishoboka byose bakamubona gusa kugeza ubu birasa n’ aho uyu mukinnyi araza kuba yasinyiye iyi kipe mu minsi 2 iri imbere.

Mu kiganiro Umuyobozi wa Lyon yagiranye n’ikinyamakuru Le progress dukesha iyi nkuru yagitangarije ko uyu musore ari hafi yo kwerekeza muri Arsenal ndetse ko mu minsi 2 cyangwa 3 araba atakibarizwa mu bakinnyi Lyon itunze.

Yagize ati “Ikiguzi cya Lacazette kiri hagati ya Miliyoni 39 na miliyoni 43,8 z’amapawundi kandi twamaze kwemeranya na Arsenal.Yego ni agahigo gashya kagiye gukorwa hagati yacu na Arsenal gusa ntabwo ari amafaranga menshi ku mukinnyi wakuriye mu ikipe yacu.”

Uyu mugabo yahakanye amakuru yavugaga ko uyu musore yageze I London gukora ikizamini cy’ubuzima gusa yemeza ko ibyo kwerekeza mu ikipe ya Arsenal kuri uyu musore bizamenyekana mu minsi 2 iri imbere.

Lacazette w’imyaka 26 amaze guhamagarwa inshuro 11 mu ikipe y’igihugu y’Ubufaransa mu gihe amaze gukinira ikipe ya Lyon imikino 275 ayitsindira ibitego 12.Umwaka ushize yatsinze ibitego 37 mu mikino 45.Nagurwa miliyoni 44 z’amapawundi nk’uko biri kuvugwa n’ibitangazamakuru byo mu Bwongereza araba aciye agahigo k’umukinnyi uguzwe amafaranga menshi muri Arsenal aho uwaherukaga kugura amafaranga menshi ari Mesut Ozil mu mwaka wa 2013 ubwo yazaga muri iyi kipe avuye muri Real Madrid kuri miliyoni 42 n’ibihumbi 500 by’amapawundi.

Author : Dusingizimana Remmy

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Ifoto ya Cristiano Ronaldo ari kumwe n’umukunzi we uherutse kumubyarira...

• Nyuma yo kunyagira APOEL Ronaldo yahise ajya kuryoshya n’umukunzi we •...
23 November 2017 Yasuwe: 547 1

Jimmy Mulisa yavuze ko rutahizamu we afite ikibazo cyo mu mutwe

• Jimmy Mulisa yabwiye itangazamakuru ko Issa afite ikibazo cyo mu mutwe •...
23 November 2017 Yasuwe: 675 0

Umutoza wa Sevilla yahishuye impamvu ikomeye yatumye ikipe ye yishyura...

• Eduardo Berizzo utoza sevilla yatangaje ko kubwira abakinnyi be ko arwaye...
23 November 2017 Yasuwe: 221 0

Abasifuzi ntiborohewe n’abafana ku munsi wa 7 wa shampiyona y’u...

• Abafana b’amakipe yo mu ntara barinumira imisifurire iri gukorerwa amakipe...
23 November 2017 Yasuwe: 446 0

APR FC na Police FC zinaniwe kwisobanura ,Kiyovu ihita iyobora urutonde rwa...

• APR FC na Police banganyije 0-0 baha umwanya Kiyovu sports • Kiyovu Sports...
22 November 2017 Yasuwe: 438 0

Bale ayoboye urutonde rw’abakinnyi bagiye kwerekwa umuryango muri Real...

• Muri Real Madrid umweyo uri hafi • Zidane yatanze urutonde rw’abakinnyi 8...
22 November 2017 Yasuwe: 1410 0