Abafana b’ikipe ya Chelsea bishimiye ko uwahoze ari umunyezamu wabo Thibaut Courtois yatsinzwe igitego na Antoine griezmann acishijwe umupira munsi y’amaguru ibyo abakunzi ba ruhago bita “Cobo”.

Sponsored Ad

Aba bafana ba Chelsea bagiye kuri Twitter bandagaza uyu munyezamu ndetse bavuga ko kuba wambitswe cobo ari ubuswa bamwe bamwise inzoka abandi bakora amafoto asekeje yo kumusebya.

Abafana ba Chelsea ntibishimiye ko uyu munyezamu yahatirije kuva mu ikipe yabo akerekeza muri Real Madrid aho bamwise umugambanyi,abandi bamwita Yuda mu gihe abandi bishimira iyo atsinzwe.

Mu mwaka ushize Courtois yambitswe Cobo na Messi inshuro 2 mu mukino umwe wa 1/16 cya UEFA Champions League, Chelsea yatsinzwemo na FC Barcelona ibitego 3-1.

Nyuma yo gutsindwa igitego igitego na Griezmann ku munsi w’ejo,abafana ba Chelsea bise Courtois inzoka ndetse bahise batangiza hashtag bise “#CloseYourLegs”.

Courtois yari muri Real Madrid yatsinze Atletico Madrid ibitego 3-1 mu mukino wa shampiyona wabereye kuri Wanda Metropolitano.

Uretse abafana ba Chelsea,aba Atletico Madrid bateye Thibaut Courtois imbeba n’ibipupe byazo mu izamu yarimo ku munsi w’ejo.