Abafana ba Chili barubiye kubera gutsidwa imikino 2 ikipe y’igihugu cyabo iheruka gukina, bamereye nabi umukunzi wa Alexis Sanchez usanzwe ari umwe mu bakinnyi bafasha cyane ikipe ya Chili ku bijyanye n’ubusatirizi bamushinja ko yatumye uyu musore abyibuha none umuzaruro we ukaba uri hafi ya ntawo.
Aba bafana, barashinja uyu mukobwa witwa Mayte Rodriguez ko yagize uruhare mu gutuma uyu musore abyibuha byatumye atakigira ubushake bwo gutsindira ibitego iyi kipe y’igihugu iri mu mazi abira (...)

Sponsored Ad

Abafana ba Chili barubiye kubera gutsidwa imikino 2 ikipe y’igihugu cyabo iheruka gukina, bamereye nabi umukunzi wa Alexis Sanchez usanzwe ari umwe mu bakinnyi bafasha cyane ikipe ya Chili ku bijyanye n’ubusatirizi bamushinja ko yatumye uyu musore abyibuha none umuzaruro we ukaba uri hafi ya ntawo.


Aba bafana, barashinja uyu mukobwa witwa Mayte Rodriguez ko yagize uruhare mu gutuma uyu musore abyibuha byatumye atakigira ubushake bwo gutsindira ibitego iyi kipe y’igihugu iri mu mazi abira cyane ko iri ku mwanya wa 6 utayifasha kwerekeza mu gikombe cy’isi.

Mu rwego rwo kwibasira uyu mukobwa,aba bafana bagiye ku rubuga rwa Facebook bashinga ihuriro ryo kwamagana uyu mukobwa baryita ““March so that Alexis ends it with Mayte and returns to his level to reach the 2018 World Cup in Russia.”
Ugenekereje mu Kinyarwanda n’ihuriro risaba Sanchez kureka Mayte akagaruka mu bihe bye byiza ndetse agafasha iyi kipe y’igihugu kwerekeza mu gikombe cy’isi kizabera mu Burusiya 2018.

Iri huriro ryahise rikurikirwa n’abantu barenga ibihumbi 9 aho bose bifuza ko uyu musore yatandukana n’uyu mukobwa cyane ko bavuga ko nyuma y’aho atangiriye gukundana n’uyu mukobwa mu ntangiriro z’uyu mwaka .

Imyitwarire mibi y’uyu musore yavuzweho n’uwahoze ari umutoza wa Chili w’abatarengeje imyaka 20 Jose Sulantay, aho yemeje ko yabyibushye ndetse atakiri Sanchez basanzwe bazi cyane ko muri iyi mikino 2 iheruka batsinzwemo na Paraguay na Bolivia yitwaye nabi cyane.