Kigali

Abafana ba Rayon Sports b’abagiraneza bahaye akayabo k’amafaranga Ndahimana uheruka gusezerana yambaye Kambambili nawe n’ibyishimo byinshi agira icyo atangaza[AMAFOTO]

Imikino   Yanditswe na: Martin Munezero 27 December 2018 Yasuwe: 6513

Abakunzi b’ikipe ya Rayon Sports babarizwa muri Mozambique bakusanyije inkunga yo kugenera Ndahimana Narcisse n’umugore we Mutuyemariya Consilie bo mu Murenge wa Shyogwe, Akarere ka Muhanga basezeranye mu mategeko, umugabo yambaye Kambambili.

Ahagana saa kumi n’imwe z’umugoroba wo kuri uyu wa Gatatu tariki 26 Ukuboza 2018 nibwo uyu muryango washyikirijwe inkunga yakusanyijwe n’abo bafana babarizwa muri Mozambique.

Abakunzi ba Rayon Sports babarizwa muri Mozambique bakusanyije agera ku bihumbi magana atatu na miringo itanu (350.000 FRW) ari nayo yashyikirijwe Ndahimana. Kuko Ndahimana yamaze gufungurizwa konti muri Banki ya Kigali, niho ayo mafaranga yanyujijwe, ashyirwa kuri konti ye nk’uko iyi nkuru ikinyamakuru UMURYANGO dukesha RWANDAMAGAZINE ikomeza ibivuga.

Uwitwa Evaritse wari waherekeje Ndekwe Philbert, amaze kubona ubuzima uyu muryango ubayeho yahise abongera 20.000 FRW yo kuba bifashisha mu gihe batarabikuza ayo kuri banki.

Mu ijambo rye, Ndahimana yavuze ko yishimiye iyo nkunga yahawe kandi ngo akomeje gushimira abantu bose bakomeje kumuzirikana n’umuryango we.

Ati ” Inkunga ngenewe n’abafana ba Rayon Sports bo muri Mozambique nyakiriye neza cyane, ndishimye. Nyuma y’igitekerezo twagize cyo gusezerana, icyo nshimira Imana, ntabwo nigeze nongera kuburara cyangwa se ngo abana banjye babwirirwe. Abantu baransuye, bangenera igikoma, bamenyera abana utwambaro, nta kintu mbona nashinja Imana.”

Iyo uri mu rugo rwa Ndahimana ubona kubahana n’urukundo ruzira imbereka kuko uba ubona ko buzuzanya muri byose. Kugeza ubu bari kwitegura gusezerana imbere y’Imana.

Tariki 29 Ugushyingo 2018 nibwo bari basezeranye imbere y’amategeko mu murenge wa Shyogwe mu Karere ka Muhanga ari nabwo hakwirakwiriye ku mbuga nkoranyambaga amafoto yabo basezerana.

Ndahimana avuga ko biteguye neza kandi ko bizeye ubushobozi bw’Imana n’abantu yahaye umutima ukunda bakomeje kubaba hafi nyuma y’uko bamenye ikibazo cyabo.

Ubusanzwe Ndahimana ni umukene ku buryo kugira ngo babone amaramuko ari uko umugore we ajya guca incuro. We uburwayi bwamuteye ubumuga ku buryo ntacyo akimarira, ndetse akenshi bajyaga baraburara hamwe n’abana 3 babo ariko kuri ubu Ndahimana akaba yemeza ko bitakibaho kubera ubufasha bunyuranye bagiye bagenerwa ndetse hari umuryango wa Gikristu uri kubasanira inzu ngo bazakore ubukwe yaramaze gukorerwa amasuku.

Muhaweniana Claude ukuriye abafana ba Rayon Sports ndetse akaba ari we wari uhagarariye ubuyobozi bwa Rayon Sports yashimiye cyane Fan Club ya Mozambique. Yongeyeho ko bibaye nko gufungurira izindi Fan Clubs za Rayon Sports mu kuba zagira icyo zifasha uyu muryango.

Ati ” Turashimira Fan Club yacu ya Mozambique kubera igitekerezo cyiza cyo kuza gufasha Narcisse n’umugore we. Mbere yo gufana turabanza tukaba abanyarwanda. Iki gikorwa Fan Club ya Mozambique yakoze, Fan Clubs zindi zirakibonye , n’ubutaha, inkunga ya Rayon Sports azayibona kuko abafana ba Rayon Sports ni benshi. Hari abatari bazi iby’uyu muryango ariko amakuru ubu barayabonye.”

Mu Rwanda no hanze, hari amatsinda y’abantu biyemeje gufasha uyu muryango kugira ngo ubuzima bwawo buhinduke.

Kugeza ubu, Ndahimana yatangiye kuvurwa bigizwemo uruhare n’Akarere ka Muhanga ndetse Ibitaro bya Kabgayi byamwohereje muri CHUK kuvurwa byisumbuyeho.



Author : Martin Munezero

Ibitecyerezo

  • Log in

    Amategeko n'amabwiriza birkurikizwa


  • chat_bubble gasigwa ernest

    nibyiza cyane gusa mû Rwanda dufite abaganga benshi binzobere batandukanye none turabatakambiye nibitange hagire abareba KO bashobora kumuvura buriya burwayi bazaba bagize neza cyane kandi twizeyeko bazabikora .

    4 months ago
  • chat_bubble Nabi Fisto

    Igikorwa kiza thanks guys

    4 months ago

Inzindi nkuru

APR FC yashenguwe no gutakaza igikombe cya Shampiyona yatsindiwe I Kigali...

Ikipe ya APR FC yaraye itwawe igikombe cya shampiyona na Rayon...
25 May 2019 Yasuwe: 4578 1

Liverpool yatunguye benshi kubera myugariro ukomeye wa Real Madrid ishaka...

Abafana ba Liverpool bacitse ururondogoro kubera ko ishaka gusinyisha...
25 May 2019 Yasuwe: 3213 0

Zamalek yashoye akayabo kenshi kugira ngo yibikeho rutahizamu Kagere...

Ikipe ya Zamalek yo mu Misiri yatangaje benshi kubera akayabo k’amamiliyoni...
25 May 2019 Yasuwe: 2971 0

Cristiano Ronaldo yashyize hanze amafoto y’imodoka nziza cyane yaguze...

Rutahizamu wa Juventus,Cristiano Ronaldo yongeye kugaragaza indi modoka...
25 May 2019 Yasuwe: 3318 0

Tuyisenge Jacques yerekeje mu ikipe yo muri Angola yamutanzeho akayabo...

Rutahizamu wa Gor Mahia,Tuyisenge Jacques,usanzwe ari umwe muri ba kapiteni...
25 May 2019 Yasuwe: 3665 1

Messi yongeye kuvuga ku gahinda gakomeye yatewe no gutsindwa na...

Rutahizamu Lionel Messi wa FC Barcelona yatangaje ko gutsindwa na Liverpool...
25 May 2019 Yasuwe: 2646 0