Abafana ba Real Madrid batangaje ko bifuza ko umutoza wa Liverpool Jurgen Klopp ariwe bifuza ko yasimbura kabuhariwe Zinedine Zidane uherutse gusezera ayifashije gutwara igikombe cya 13 cya UEFA Champions League.

Sponsored Ad

Abafana ba Real Madrid basaga ibihumbi 50 batangarije kimwe mu binyamakuru byo muri Espagne ko bifuza ko uyu Mudage ariwe wasimbura Zinedine Zidane wasezeye akoze amateka muri iyi kipe.

Abafana ba Liverpool barifuza ko Klopp yasimbura Zidane

Mu matora yakozwe n’abafana ba Real Madrid basaga ibihumbi 120 hirya no hino ku isi,batangaje ko umutoza Jurgen Klopp ariwe babona yagera ikirenge mu cya Zidane aho kuba Mauricio Pochettino utoza Tottenham nawe wifuzwa na Los Bloncos.

Nubwo aba bafana bifuza Klopp,nta bushake bwo kuva muri Liverpool afite kuko yifuza guhesha iyi kipe yo mu Bwongereza ibikombe ndetse yatangiye kugura abakinnyi bashya bo gukomeza iyi kipe.

Muri aya matora y’abafana ba Real Madrid,Jurgen Klopp yatowe ku bwiganze bwa 41 ku ijana mu gihe Mauricio Pochettino yagize amajwi 34 ku ijana.