skol
fortebet

Abafana ba Real Madrid buzuye stade ikiniraho baje kwakira kabuhariwe Eden Hazard[AMAFOTO]

Yanditswe: Friday 14, Jun 2019

Sponsored Ad

Umukinnyi Eden Hazard yakiriwe nk’umwami mu ikipe ya Real Madrid kuko abafana barenga ibihumbi 50 binjiye muri stade Santiago Bernabeu baje kwakira uyu musore baguze mu ikipe ya Chelsea.

Sponsored Ad

Mu ijoro ryo kuri uyu wa Kane nibwo uyu Mubiligi w’umuhanga cyane yageze I Madrid kwerekwa abafana no gukora ikizamini cy’ubuzima mu bitaro bya La Moraleja University Hospital cyagenze neza.

Eden Hazard yatangaje ko yakabije inzozi yarose akiri umwana zo gukinira Real Madrid ndetse yemeza ko yayijemo aje kureba uko yaba umukinnyi w’igihangange ku isi agatwara na Ballon d’Or.

Hazard yazengurutse iyi stade yari yuzuye abafana agenda abereka ubuhanga bwe mu gukina ruhago ari nako yabasuhuzaga bigera ubwo bamusaba gusoma ikirangantego cy’ikipe arabikora ndetse asubiramo ngo "Hala Madrid !".

Ubwo yari kuri Real Madrid TV Hazard yagize ati “Ntegerezanyije amatsiko umunsi nzambara uyu mwenda wa Real Madrid natangiye gukina.Ni inzozi gukina mu ikipe y’igihangange ya Real Madrid.”

Hazard waguzwe agera kuri miliyoni 150 z’amapawundi,yabaye umukinnyi wa 3 wa Real Madrid wakiriwe n’abafana benshi nyuma ya Cristiano Ronaldo na Kaka.Byitezwe ko azambara nimero 7 yambawe n’ibihangange muri iyi kipe.

Hazard yabaye umukinnyi wa 5 waguzwe na Real Madrid muri uyu mwaka nyuma ya Luka Jovic, Ferland Mendy, Eder Militao na Rodrygo.









Leave a Reply

Your email address will not be published. Required fields are marked *

Who are you?

Amategeko n'amabwiriza birkurikizwa