Kigali

Abafana ba Red Star Belgrade bazanye igifaru kuri stade mu rwego rwo gutera ubwoba ikipe yabasuye [AMAFOTO]

Imikino   Yanditswe na: Dusingizimana Remy 28 August 2019 Yasuwe: 3510

Abafana b’ikipe ya Red Star Belgrade [FK Crvena Zvezda] bakoze agashya bazana igifaru cyakoreshejwe mu ntambara ya Yougoslavia yo muri 1990,ku mukino wo gushaka itike yo kwerekeza mu matsinda ya UEFA Champions League bahanganyemo na Young Boys.

Aba bafana baciye ibintu hirya no hino ku isi,bagiye inama baragenda batira iki gifaru kimaze imyaka myinshi kidakoreshwa bacyambika amabendera y’ikipe yabo barangije bagiparika inyuma ya stade yabo Rajko Mitic Stadium.

Aba bafana batangaje ko kuzana iki gifaru ari “ibintu bisanzwe”batari bagamije guteza akavuyo cyangwa ubundi bugizi bwa nabi.

Iki gifaru aba bafana bagishyize ku irembo ryo mu majyaruguru ya stade yabo aho basanzwe binjirira, mu ijoro ryo kuwa mbere habura umunsi umwe ngo umukino ube.

Umwe mu bakunzi b’iyi kipe yanditse ku rubuga rwayo ati “Imashini za Red star zirateguye”.

Ubwo abafana babazwaga niba batazanye iki gifaru kuri stade kugira ngo bakore amahano yagize ati “Uku si ugushotorana.Ibi ni ibisanzwe.Intambara yarangiye mu myaka irenga 25 ishize.”

Minisitiri w’umutekano mu gihugu cya Serbia, Nebojsa Stefanovic yabwiye abanyamakuru ko aka ari agashya aba bafana batekereje ngo ndetse inta bisasu byari biri muri iki gifaru.

Red Star Belgrade yabashije kugera mu matsinda ya UEFA Champions League kuko yaraye inganyije na Young Boys igitego 1-1 mu gihe umukino ubanza wabereye mu Busuwisi amakipe yombi yanganyije ibitego 2-2.




Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


Inzindi nkuru

UCL: Real Madrid yagaragaje ko igeze aharindimuka mu gihe Juventus...

Ishyamba si iryeru mu ikipe ya Real Madrid ikomeje kunyagirirwa mu...
19 September 2019 Yasuwe: 1003 0

Amavubi yakoreye ibitangaza mu mujyi wa Kinshasa yihimura kuri...

Ikipe y’igihugu Amavubi, y’abakina imbere mu gihugu, ijyanye muri Ethiopia...
18 September 2019 Yasuwe: 2146 0

Cristiano Ronaldo ari gushakisha bikomeye abakobwa bamuhaye umugati ashonje...

Rutahizamu Cristiano Ronaldo wa Juventus,ari gushaka bikomeye abakobwa...
18 September 2019 Yasuwe: 3763 0

KNC yavuze uburyo abakinnyi bazazana iby’amarozi mu mikino yose bazahuriramo...

Kakoza Nkurunziza Charles wamamaye ku izina rya KNC ukuriye ikipe ya Gasogi...
18 September 2019 Yasuwe: 2076 0

Mashami Vincent yatangaje abakinnyi 11 barahangana na RDC mu mukino wa...

Umutoza w’ikipe y’igihugu,Mashami Vincent,yamaze gutangaza abakinnyi 11...
18 September 2019 Yasuwe: 2219 1

Cristiano Ronaldo yatangaje agahigo yifuza kurusha Messi,umubare w’abantu...

Rutahizamu Lionel Messi ngo arifuza ko yazasoza umupira w’amaguru arusha...
18 September 2019 Yasuwe: 2446 0