Kigali

Abafana ba Senegal bavugirije induru umukinnyi wabo Sadio Mane asohoka mu kibuga ari kurira

Imikino   Yanditswe na: Dusingizimana Remy 19 November 2018 Yasuwe: 2904

Rutahizamu Sadio Mane ukinira Senegal na Liverpool yahuye n’uruva gusenya kubera gukomerwa n’abafana b’igihugu cye bamuziza ukuntu yitwaye nabi mu mukino baraye batsinzemo Equatorial Guinea igitego 1-0, bituma asohoka mu kibuga arira ubwo umukino wari urangiye.

Sadio Mane yahushije uburyo bw’igitego bukomeye imbere y’izamu bituma abafana ba Senegal bamukomera cyane ndetse biramubabaza cyane,asohoka mu kibuga ari kurira ubwo umukino wari urangiye.

Nyuma yo guhusha ubu buryo bukomeye imbere y’izamu,Mane yavugirijwe induru n’abafana mpaka umukino urangiye ndetse nyuma y’aho umusifuzi avugije ifirimbi ya nyuma,Mane yahise aryama hasi ararira cyane biba ngombwa ko bagenzi be baza kumwihanganisha.

Mane yavugirijwe induru kubera ko atitwaye neza nka mugenzi we Mohamed Salah bakinana muri Liverpool ukomeje gutsindira Misiri ibitego byinshi.

Ibinyamakuru byo muri Senegal byavuze ko impamvu ikomeye yatumye Sadio Mane arira ayo kwarika atari uko abafana bamuvugirije induru ahubwo ni uko Mohamed Salah amurusha amahirwe ku ghembo cy’umukinnyi mwiza muri Africa bahanganiye.

Abanya Senegal ntibakunda Mane kubera ko nta kintu afasha ikipe y’igihugu ndetse benshi bavuze ko ku gihembo cy’umunya Africa mwiza gitangwa na BBC,bashyigikiye myugariro Kalidou Koulibaly.


Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Ikipe ya Real Madrid yasinyishije umukinnyi wakuriye muri Fc Barcelone...

Ikipe ya Real Madrid yamaze gusinyisha Takefusa Kubo ufatwa nka Messi...
14 June 2019 Yasuwe: 3925 0

Abafana ba Real Madrid baririmbye izina ry’umukinnyi bifuza ko ubuyobozi...

Mu muhango wo kwereka abafana kabuhariwe Eden Hazard,ubuyobozi bw’ikipe ya...
14 June 2019 Yasuwe: 4812 0

Ikipe ya Chelsea yamaze kumvikana na Juventus ku mafaranga igomba guhabwa...

Ikipe ya Chelsea yamaze kumvikana na Juventus ku mafaranga igomba guhabwa,...
14 June 2019 Yasuwe: 1481 0

Abafana ba Real Madrid buzuye stade ikiniraho baje kwakira kabuhariwe Eden...

Umukinnyi Eden Hazard yakiriwe nk’umwami mu ikipe ya Real Madrid kuko...
14 June 2019 Yasuwe: 2949 0

Rayon Sports y’abakinnyi 10 yatsinze Marines FC mu gihe APR FC yababajwe...

Ikipe ya Rayon Sports ikomeje gutera intambwe itajegajega mu gikombe...
13 June 2019 Yasuwe: 6460 2

Abafana ba Manchester United bababajwe cyane na gahunda y’imikino ya Premier...

Abafana ba Manchester United bemeje ko umutoza wabo,Ole Gunnar Solskjaer,...
13 June 2019 Yasuwe: 4189 0