Ikipe ya Westham yaraye itsindiwe mu rugo ibitego 3-0 na Burnley byatumye abafana b’iyi kipe binjira mu kibuga abandi bajya aho umuyobozi w’iyi kipe yari yicaye bashaka kumukubita ahungishwa n’abashinzwe umutekano nubwo bivugwa ko hari uwamukubise ikintu mu mutwe. Aba bafana bari bariye karungu binjiye mu kibuga ubwo Bunley yari imaze gusinda igitego cya mbere ku munota wa 65,bateza akavuyo ndetse bamwe mu bakinnyi barimo kapiteni wa Westham Mark Noble yagaragaye ari gukubita umufana. Bamwe (...)

Sponsored Ad

Ikipe ya Westham yaraye itsindiwe mu rugo ibitego 3-0 na Burnley byatumye abafana b’iyi kipe binjira mu kibuga abandi bajya aho umuyobozi w’iyi kipe yari yicaye bashaka kumukubita ahungishwa n’abashinzwe umutekano nubwo bivugwa ko hari uwamukubise ikintu mu mutwe.

Aba bafana bari bariye karungu binjiye mu kibuga ubwo Bunley yari imaze gusinda igitego cya mbere ku munota wa 65,bateza akavuyo ndetse bamwe mu bakinnyi barimo kapiteni wa Westham Mark Noble yagaragaye ari gukubita umufana.

Bamwe mu bafana binjiye mu kibuga nyuma yo guca mu rihumye abashinzwe umutekano ku kibuga habura iminota 25 ngo umukino urangire,bagenda basatira abakinnyi babatuka byatumye abakinnyi bamwe batangira kubakubita biba intambara ikomeye kugeza ubwo umwe mu bafana yitabaje agati gashyirwa kuri koloneri akinjiza mu kibuga hagati.

Abafana batatse abayobozi ba Westham aho bari bicaye ndetse babatera ibiceri

Ubwo uyu mukino warangiraga Westham itsinzwe ibitego 3-0,abafana bongeye kwinjira mu kibuga,batuka abakinnyi ndetse bamwe baririmba indirimbo zo kwamagana abayobozi b’iyi kipe David Gold na David Sullivan ndetse n’umutoza David Moyes uri kwerekeza iyi kipe ahantu habi byatumye hitabazwa inzego zikomeye za polisi zirukana aba bafana.