Kigali

Abahabwa amahirwe yo gusimbura umutoza wa FC Barcelona bamaze kumenyekana

Imikino   Yanditswe na: Dusingizimana Remy 9 May 2019 Yasuwe: 5410

Umutoza wa FC Barcelona,Ernesto Valverde ari mu mazi abira kubera gutsindwa na Liverpool ibitego 4-0 mu mukino wo kwishyura kandi ubanza yari yatsinze 3-0,byatumye hatangira kuvugwa amazina y’abatoza batatu bo kumusimbura.

Abayobozi ba FC Barcelona bategereje kureba ko Ernesto Valverde yegura kubera ko yananiwe kumbikana n’abakinnyi be ariko ngo natabikora barafata umwanzuro wo kumwirukana mu minsi iri imbere.

Gutsindwa na Liverpool ibitego 4-0,byababaje abafana ba FC Barcelona bituma bongera kwibuka agahinda batewe no gusezererwa na AS Roma mu mwaka w’imikino ushize ibitego 3-0 kandi bari batsinze ibitego 4-1 mu mukino ubanza.

Valverde yabwiye abanyamakuru nyuma yo kunyagirwa ibitego 4-0 na Liverpool ko nta cyizere cyo guhamana aka kazi afite ariyo mpamvu bishoboka ko nyuma y’uyu mwaka w’imikino ashobora kwirukanwa.

Nyuma y’ibihuha biri kuvugwa ko Valverde agiye kwirukanwa,umutoza Eric ten Hag witwaye neza mu ikipe ya Ajax uyu mwaka arahabwa amahirwe yo kuba umutoza mushya wa FC Barcelona.

Uretse Ten Hag,abandi batoza bari guhabwa amahirwe yo gusimbura Valverde barimo Laurent Blanc umaze imyaka myinshi mu bushomeri ndetse n’umutoza wa Real Betis witwa Quique Setien.

Ernesto Valverde afite amasezerano azamugeza muri 2020 ariyo mpamvu ubuyobozi bwa FC Barcelona butahise bumwirukana kuko ari hafi kurangira.


Ten Hag utoza Ajax ashobora guhabwa akazi ko gutoza FC Barcelona

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Mu bakinnyi bandi ikipe ya Mukura yasinyishije harimo n’uwo APR FC...

Ikipe ya Mukura Victory Sports et Loisirs, yemeje ko yamaze gusinyisha...
18 July 2019 Yasuwe: 1568 0

Neymar Jr ari hafi kwerekeza mu ikipe ikomeye idakina muri LA...

Rutahizamu Neymar Jr wa PSG ukomeje kuvugwa cyane mu binyamakuru,ashobora...
18 July 2019 Yasuwe: 2328 0

Petro Atletico de Luanda yatangaje Tuyisenge Jacques nk’umukinnyi wayo...

Hari hashize amezi menshi bivugwa ko rutahizamu w’Umunyarwanda Tuyisenge...
18 July 2019 Yasuwe: 2149 0

Akayabo APR FC yahawe kuri Hakizimana Muhadjiri kamenyekanye

Ikipe ya Emirates Club yo muri yo muri Leta zunze ubumwe z’Abarabu [UAE]...
18 July 2019 Yasuwe: 5025 0

Zlatko Krmpotic washenguye imitima y’abafana ba APR FC yabonye ikipe muri...

Umutoza ukomoka muri Serbia, Zlatko Krmpotic wanzwe n’abafana ba APR FC...
18 July 2019 Yasuwe: 1581 0

Abanya Nigeria banenze umutoza Rohr kubera umukinnyi ukomeye wabahesheje...

Abanya Nigeria bakunda umupira w’amaguru ntibanyuzwe n’umwanya wa 3 ikipe...
18 July 2019 Yasuwe: 2359 0