Kigali

Abakinnyi 10 b’ikipe y’igihugu cya Benin bakatiwe igifungo cy’amezi 6 bari muri gereza

Imikino   Yanditswe na: Martin Munezero 1 November 2018 Yasuwe: 1416

Ku munsi w’ejo tariki ya 31 Ukwakira, abakinnyi 10 b’ikipe y’igihugu ya Benin y’abato ndetse na Anjorin Moucharafu wahoze ayobora ishyirahamwe ry’umupira w’amaguru muri iki gihugu, bakatiwe amezi atandatu y’igifungo bazira kubeshya imyaka yabo.

Aba bakinnyi bakatiwe n’urukiko rwa Cotonou, nyuma yo guhamwa n’icyaha cyo kubeshya imyaka yabo y’amavuko cyatumye batsindirwa ikizamini cya MRI(Ikizamini gikorwa hapimwa imyaka y’umuntu) muri Niger, mbere y’amajonjora y’igikombe cya Afurika cy’abatarengeje imyaka 17 kizaba mu mwaka utaha.

Ibi byanatumye Ikipe y’igihugu ya Benin ihagarikwa muri aya majonjora yo mu gice cya Afurika y’iburengerazuba ndetse binasigira Benin igisebo gikomeye cyanateye uburakari abenshi mu bakunzi ba ruhago muri kiriya gihugu.

Aba bakinnyi bose bakatiwe amezi atandatu y’igifungo, gusa atanu muri yo akurwaho. Ni nyuma yo gusanga bari bamaze igihe kigera ku mezi abiri mu munyururu.

Moucharafu wahanwe ari kumwe na bariya bakinnyi we yazize kuba ishyirahamwe yayoboraga ryaragize uruhare muri ririya bara, bityo ahabwa igifungo cy’amezi 12 gusa 10 muri yo akurwaho.

Aya mezi yayakuriweho nyuma yo gusanga hari amezi yari amaze muri gereza, dore ko hari haciye igihe afunzwe.

Lafiou Yessoufof usanzwe ari umutoza w’iyi kipe cyo kimwe n’abandi bayobozi babiri bo ntibigeze bakurikiranwa n’uru rukiko.

Author : Martin Munezero

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Umukobwa w’Uburanga yigambye gukundana na Neymar arusha imyaka 12...

Umunyamideli ukunze kwifotoza yambaye ubusa,ukomoka mu burusiya witwa...
15 February 2019 Yasuwe: 3254 0

Mesut Ozil yakoze igikorwa kigaragaza ko yanga urunuka umutoza Unai...

Umukinnyi Mesut Ozil uhembwa amafaranga menshi kurusha abandi bakinnyi bose...
15 February 2019 Yasuwe: 3493 0

Jules ulimwengu yamaze gusinyira Rayon Sports ahabwa nimero 7 yambarwaga na...

Rutahizamu Jules Ulimwengu wakiniraga Sunrise FC yamaze gusinyira Rayon...
15 February 2019 Yasuwe: 2413 0

Jules Ulimwengu yamaze kugera mu Rwanda yizeza abakunzi ba Rayon Sports...

Rutahizamu w’Umurundi Jules Ulimwengu yamaze kugera I Kigali aho aje...
14 February 2019 Yasuwe: 2324 0

Umugore wa Wayne Rooney yakuyemo impeta y’isezerano nyuma yo kumufata ari...

Coleen Rooney, umugore w’umukinnyi Wayne Rooney yagaragaye mu muhanda nta...
14 February 2019 Yasuwe: 2673 0

Sergio Ramos ari mu mazi abira kubera ikarita y’umuhondo yaraye...

Kapiteni wa Real Madrid ari mu mazi abira kubera ibyo yatangaje ko...
14 February 2019 Yasuwe: 1930 0