Abakinnyi babiri Laurens De Plus na Petr Vakoc bakinira ikipe ya Quick step Floors yo mu Bubiligi ikina umukino wo gusiganwa ku magare,bagonzwe n’ikamyo ku wa Kane taliki ya 25 Mutarama 2018, ubwo bari mu myitozo mu gihugu cya Afurika y’Epfo. Laurens De Plus, Petr Vakoc na Bob Jungels (wambaye umutuku) bari kumwe mbere y’impanuka
Aba basore bari mu myitozo,bagonzwe n’igikamyo cyabaturutse inyuma ubwo bari bari gukaza imyitozo kugira ngo babashe gutangira umwaka bameze neza ndetse bari kumwe (...)

Sponsored Ad

Abakinnyi babiri Laurens De Plus na Petr Vakoc bakinira ikipe ya Quick step Floors yo mu Bubiligi ikina umukino wo gusiganwa ku magare,bagonzwe n’ikamyo ku wa Kane taliki ya 25 Mutarama 2018, ubwo bari mu myitozo mu gihugu cya Afurika y’Epfo.

Laurens De Plus, Petr Vakoc na Bob Jungels (wambaye umutuku) bari kumwe mbere y’impanuka

Aba basore bari mu myitozo,bagonzwe n’igikamyo cyabaturutse inyuma ubwo bari bari gukaza imyitozo kugira ngo babashe gutangira umwaka bameze neza ndetse bari kumwe na mugenzi wabo bakinana witwa Bob Jungels we utarahuye n’iyi mpanuka.

Bakimara kugongwa n’iki gikamyo,aba basore bahise bajyanwa kwa muganga igitaraganya n’ushinzwe gutanga imyitozo muri iyi kipe Koen Pelgrim watangaje ko bakomeretse bikomeye ndetse baramara igihe bitabwaho n’abaganga.
Mu kiganiro Bob Jungels yahaye itangazamakuru ubwo iyi mpanuka yari imaze kuba,yababwiye ko atigeze abona uko iyi kamyo yabagonze gusa atekereza ko ari igice kimwe cyayo cyabagonze kigatuma bakora impanuka.

Petr Vakoc ukomoka muri Czech Republic

Yagize ati “Twari twazindukiye mu myitozo uko turi 3,gusa ndi imbere yabo numvise urusaku ndebye mbona ni Laurens na Petr baryamye hasi.Nagiye kureba niba bakomeretse cyane gusa sinashoboraga kubaterura.umukobwa wari iruhande rw’umuhanda yaradufashije aduhamagarira Ambulance mu gihe njye n’umutoza twakomeje kuvugana nabo.Byari bibabaje kubabona bameze gutyo gusa nizeye ko bazakira vuba.”

Laurens de Plus ukomoka mu Bubiligi yagonzwe n’ikamyo

Ikipe ya Quick Step Floors n’imwe mu makipe 18 ari ku rwego rwa mbere rwa UCI,ndetse akina amarushanwa mpuzamahanga aho izwi cyane mu kugira abakinnyi bazi gutambika cyane (Sprinters).