Kigali

Abakinnyi b’ikipe ya Rayon Sports batunguranye bahagarika gukora imyitozo mu gihe aribo bahabwa amahirwe yo kwegukana igikombe cya Shampiyona

Imikino   Yanditswe na: Martin Munezero 21 May 2019 Yasuwe: 2943

Abakinnyi b’ikipe ya Rayon Sports bahagaritse gukora imyitozo, nyamara bafite amahirwe menshi yo gutwara igikombe cya shampiyona y’umwaka w’imikino wa 2018/2019.

Icyemezo cyo guhagarika imyitozo, cyaje gikurikira amasezerano ubuyobozi bw’ikipe yabo bwari bwagiranye na bo nyamara bikarangira butayashyize mu bikorwa.

Aya makuru yemejwe n’umwe mu bakinnyi ba Rayon Sports utifujwe ko amazina ye ajya mu itangazamakuru.

Uyu mukinnyi yabwiye Igihe dukesha iyi nkuru kobahisemo guhagarika imyitozo bitewe n’uko batarahabwa ibirarane by’imishahara y’amezi abiri n’ayandi y’uduhimbazamusyi baberewemo n’ikipe.

Ati “Uyu munsi imyitozo ntabwo twayikoze kuko bataraduha amafaranga baturimo. Ni ibirarane by’amezi abiri tutarabona.’’’

Nyuma ngo abakinnyi bagiye guteranira kwa Muhirwa Frederic usanzwe ari umuyobozi wungirije wa Rayon Sports, mu rwego rwo gushakira hamwe umuti w’iki kibazo.

Ikipe ya Rayon Sports ni yo ifite amahirwe menshi yo kwegukana igikombe cya shampiyona. Magingo aya iyi kipe iyoboye urutonde rwa shampiyona n’amanota 66, ikaba irusha APR FC iyikurikiye amanota ane yose. Mu gihe Azam Rwanda Premier league ibura imikino ibiri ngo isozwe, Rayon Sports irasabwa gutsinda umukino w’umunsi wa 29 wa shampiyona ifitanye na Kirehe FC igahita itwara igikombe.

Mu gihe iyi kipe yaba idatsinze Kirehe, hategerezwa umukino w’umunsi wa nyuma izakiramo Marines FC ku wa 01 Kamena.

Author : Martin Munezero

Ibitecyerezo

  • Log in

    Amategeko n'amabwiriza birkurikizwa


  • chat_bubble Ngoga

    ibi byarangiye bamaze kwishyurwa frws yose, ubu bari tayari gukubita kirehe bakazamura igikombe inyakarambi, ahubwo police ishinzwe ibyo mumuhanda nibe itegura uburyo umuhanda kigali rusumo uzaba urindiwe umutekano, kugirango hirindwe impanuka zishobora kuvuka igihe Rayon yaramuka itsinze ,noneho reception yo yazabera regional kuri marine fc inshuti yakadasohoka ya APR fc ,batizanya n’imiheha n’matasi yokunweramo, ngo n’ikigupfa baratizanya iyo umwe yatetse isombe.

    3 months ago

Inzindi nkuru

APR FC yateye intambwe ikomeye iyiganisha ku gutwara igikombe cy’irushanwa...

Ikipe ya APR FC ihagarariye igisirikare cy’u Rwanda mu mikino ihuza ingabo...
20 August 2019 Yasuwe: 2149 0

Akayabo k’amamiliyoni y’u Rwanda yagurishijwe mu cyamunara umwambaro Barack...

Hari ibyamamare biba byarambaye umwambaro,bikarangira ugurishijwe bitewe...
20 August 2019 Yasuwe: 921 0

Rutanga Eric Kapiteni w’ikipe ya Rayon Sports yahishuye impamvu...

Nyuma y’uko umutoza w’umunya – Brazil atandukanye n’ikipe ya Rayon Sports...
20 August 2019 Yasuwe: 2539 0

Ikipe ya Kiyovu Sports yasinyishije umukinnyi ukomoka muri Cote...

Ikipe ya Kiyovu Sports yemeje ko yamaze gusinyisha myugariro Kouame Dynho,...
20 August 2019 Yasuwe: 606 0

Jurgen Klopp yatangaje impamvu ikomeye yatumye Liverpool itagarura...

Umutoza wa Liverpool, Jurgen Klopp yatangaje ko bifuzaga kugarura umukinnyi...
20 August 2019 Yasuwe: 1738 0

Romelu Lukaku yatangaje umukinnyi bakinanaga muri Manchester United yifuza...

Rutahizamu mushya wa Inter Milan,Romelu Lukaku amaze iminsi yandikira...
20 August 2019 Yasuwe: 2372 0