skol
fortebet

Abakinnyi ba Arsenal batangiye kwibasira Mesut Ozil

Yanditswe: Tuesday 08, May 2018

Sponsored Ad

Benshi mu bakinnyi ba Arsenal ntibumva impamvu umukinnyi Mesut Ozil asigaye ahora mu mvune,aho kuza gufasha ikipe gusoza imikino ya shampiyona y’Ubwongereza Premier League 2017-2018.

Sponsored Ad

Amakuru aturuka mu binyamakuru bitandukanye byo ku mugabane w’I Burayi,aravuga ko uyu Mudage uheruka kugaragara ku mukino Arsenal yasezerewe na Atletico Madrid, atishimiwe na bagenzi be nyuma yo kumuha amasezerano mashya yamuhesheje kujya ahembwa akayabo k’ibihumbi 350 by’amapawundi ku cyumweru.

Ozil amaze imikino 5 adakinira Arsenal ndetse biravugwa ko yagize imvune y’umugongo igiye gutuma atazongera kugaragara mu ikipe ya Arsenal muri uyu mwaka w’imikino.

Nubwo nta mukinnyi wigeze yerura ngo avuge ko ababajwe na Ozil,biravugwa ko mu rwambariro rw’iyi kipe itagira umutoza ishyamba atari iryeru ndetse benshi mu bakinnyi ba Arsenal batanejejwe n’iyi myitwarire ya Ozil aho bavuga ko iyi mvune ari urwitwazo ndetse ko uyu mukinnyi ari muzima.

Mesut Ozil yasibye imikino 25 muri 58 yakagombye kuba yarakinnye muri uyu mwaka w’imikino aho byose byatewe na Arsene Wenger wamuruhukije mu mikino ya FA Cup,intangiriro za Europa League n’imikino imwe n’imwe ya Carabao Cup,amuhemba kongererwa umushahara w’ibihumbi 350 ku Cyumweru.

Abakinnyi ba Arsenal barashinja Ozil guhitamo imikino yifuza gukina yarangiza akiha ikiruhuko abigiyemo inama na Wenger, bombi bakabeshya ko afite imvune aho batanga urugero ku mukino wo kwishyura wa Atletico Madrid ubwo byavugwaga ko yavunitse,yarangiza akagaruka.

Leave a Reply

Your email address will not be published. Required fields are marked *

Who are you?

Amategeko n'amabwiriza birkurikizwa