Kigali

Abakinnyi ba Manchester United barashinja Mourinho imyitwarire mibi no gutsindisha ikipe

Imikino   Yanditswe na: Dusingizimana Remy 31 July 2018 Yasuwe: 1227

Ibya Mourinho na Manchester United bikomeje kuzamba kuko kuva berekeza mu mwiherero wo kwitegura umwaka w’imikino utaha muri USA,ikipe iri gutsindwa umusubirizo ndetse abakinnyi bamwe batashatse ko amzina yabo atangazwa babwiye abanyamakuru ko imyitwarire mibi y’umutoza wabo ariyo ituma batsindwa.

Jose Mourinho umaze iminsi yibasira ubuyobozi bwe abuhora kutamugurira abakinnyi,akomeje kugaragaza imyitwarire idahwitse imbere y’abakinnyi be bari kumwe muri USA aho abagaragariza uburakari ndetse akabafata nabi.

Abakinnyi ba Manchester United barashinja Mourinho kugira uruhare mu gutsindwa kwabo

Nyuma yo gutsindwa na Liverpool ibitego 4-1,Jose Mourinho yagiye mu itangazamakuru avuga ko nta bakinnyi afite ndetse ategereje abari mu biruhuko,ibintu byababaje aba basore cyane bituma bagana mu binyamakuru kugaragaza agahinda kabo.

Bamwe mu bakinnyi batashatse ko amazina yabo atangazwa batangarije ibinyamakuru ko umujinya wo kutagurirwa abakinnyi ariwo wazambije ibintu byose,bituma ikipe itsindwa cyane muri iyi myiteguro yo kwitegura umwaka w’imikino utaha.

Bagize bati “uburakari bwa Mourinho bwangije umwiherero wose.Ntabwo abanye neza na Ed Woodward none natwe byatugizeho ingaruka.Turabona imyitwarire ye idahwitse muri iyi minsi.”

Jose Mourinho aherutse kujya mu itangazamakuru yibasira umukinnyi Anthony Martial wavuye mu myitozo ajya kureba umukunzi we wari ugiye kubyara bibabaza abakinnyi cyane.

Nyuma yo gutsindwa na Liverpool ibitego 4-1 mu mukino uheruka,Mourinho yabwiye abanyamakuru ko atishimiye ko ushinzwe kugura abakinnyi Ed Woodward yanze kumugurira abakinnyi 2 yamusabye.

Benshi mu bakunzi ba ruhago mu Bwongereza batoye ko umutoza Jose Mourinho ashobora kuzaba umutoza wa mbere uzirukanwa muri Premier League ubwo izaba itangiye.

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Xavi yandagaje Mourinho kubera imikinire ye yo kugarira cyane

Umunyabigwi Xavi Hernandez wahoze akinira FC Barcelona,yavuze ko umutoza...
23 October 2018 Yasuwe: 855 0

Masudi Djuma yavuze ikintu kizamufasha guhangamura Rayon Sports na APR...

Umutoza mushya wa AS Kigali,Masudi Djuma yavuze ko ikintu gituma APR FC na...
23 October 2018 Yasuwe: 1696 0

Perezida Kagame yashimiye Arsenal ku munsi we w’amavuko

Perezida wa Repubulika y’U Rwanda wizihije isabukuru y’imyaka 61 uyu...
23 October 2018 Yasuwe: 1054 0

Cristiano Ronaldo yagaragaye yambaye isaha ihenze cyane mu kiganiro...

Umukinnyi wa Juventus Cristiano Ronaldo yagaragaye mu kiganiro...
23 October 2018 Yasuwe: 2191 0

Cristiano Ronaldo yashashe inzobe ku birego ashinjwa byo gufata ku ngufu...

Rutahizamu Cristiano Ronaldo wa Juventus yatangarije abanyamakuru ku nshuro...
23 October 2018 Yasuwe: 1547 0

Jose Mourinho yahaye igisubizo abavuze ko agiye kwerekeza mu ikipe ya Real...

Umutoza wa Manchester United,Jose Mourinho yatangaje ko nta gahunda afite...
23 October 2018 Yasuwe: 1035 0