Kigali

Abakunzi ba Rayon Sports barahiriye kugarura Diara

Imikino   Yanditswe na: Dusingizimana Remmy 19 August 2017 Yasuwe: 603

Ku wa kane taliki ya 17 kanama nibwo habaye inama yahuje Gacinya Dennis n’ abafana ba Rayon Sports bahagarariye amatsinda y’abafana bayo baganira byinshi ku byerekeye iyi kipe harimo ibijyanye n’igura ry’abakinnyi ndetse no kuba bahuza imbaraga bakagura rutahizamu uryana maze bose bemeza kugarura Ismaila Diara wagacishijeho ubwo yakiniraga iyi kipe.

Muri iyi nama Komite y’agateganyo ya Rayon Sports yari ihagarariwe na Gacinya yabwiye abafana ko ibyo kugura abakinnyi no kongerera amasezerano bigeze kuri 95 ku ijana ndetse bo nk’ubuyobozi ntacyo batakoze ngo bagumane abakinnyi bafashije ikipe ya Rayon Sports gutwara igikombe umwaka ushize ndetse no kuzana abakinnyi bashya barimo Bimenyimana Bonfils Caleb,Rutanga Eric,Nyandwi Saddam,Mugisha Girbelt na Habimana Yussuf.

Gacinya yabwiye aba bafana ko mu ikipe ya Rayon Sports bifuza kuzakoresha abakinnyi 25 mu mwaka w’imikino utaha ariko bafite abakinnyi 37 barimo abari gukora igerageza bityo hagiye kuzakorwa umweyo mu minsi iri imbere kugira ngo ikipe isigarane abakinnyi 25 ikeneye.

Mu cy’ingenzi cyizweho ni uguhuza imbaraga maze iyi kipe ifite ikibazo cy’ubwugarizi ikaba yagura rutahizamu uryana aho ku isonga bifuza Ismaila Diara wakiniye iyi kipe mu mwaka w’imikino 2015-2016.

Gacinya yababwiye ko hakenewe miliyoni 8 z’amanyarwanda kugira ngo bongere bigarurire bigango wabafashije gutwara igikombe cy’amahoro besuye ikipe ya APR FC igitego 1-0 ku mukino wabereye kuri stade amahoro.

Mu kindi iyi nama yizeye nibyerekeye imikino ya gicuti aho uyu muyobozi yabwiye abafana ko Rayon Sports iri guteganya kugirira umwiherero mu ntara y’amajyepfo ikomokamo mu turere twa Huye,Nyanza na Ruhango ndetse bakaba bifuza kuzakina umukino wa gicuti mpuzamahanga n’ikipe ya Villa SC yo muri Uganda ku italiki ya 02 Nzeri uyu mwaka aho bazaboneraho kwerekana abakinnyi 25 wongeyeho na rutahizamu Diara nibamusinyisha.

Umwanzuro w’iyi nama ni uko abahagarariye amatsinda y’abakunzi ba Rayon Sports bemeje ko bagiye kwishakamo aya mafaranga ndetse ko nta gihindutse kuwa gatatu w’icyumweru gitaha bazahura bakerekana ikimaze kuva mu matsinda y’abafana aho bemeje ko bagiye gukangurira bagenzi babo kongera gukoresha *699#mu rwego rwo kwegera abafana ba Rayon Sports aho bari hose.

Author : Dusingizimana Remmy

Ibitecyerezo

  • Log in

    Amategeko n'amabwiriza birkurikizwa


  • chat_bubble Mukunzi

    Ngaho nibagire vuba twitabire maze Diara agaruke vuba.

    3 months ago

Inzindi nkuru

Amafoto y’umukobwa Cristiano Ronaldo yarangiye Rodriguez yaciye ibintu hirya...

• Rodriguez yatandukanye n’umugore we Daniella bari bafitanye umwana •...
21 November 2017 Yasuwe: 1867 0

APR FC izakina na Police FC idafite abakinnyi ngenderwaho bayo

• APR FC izakina na Police FC ku mukino w’umunsi wa 7 wa shampiyona • APR FC...
21 November 2017 Yasuwe: 624 0

Ibyo wamenya kuri Tour de France, Tour du Rwanda ifatiraho icyitegererezo

• Tour de France yatangiye mu mwaka wa 1903 • Maurice Garin niwe wegukanye...
21 November 2017 Yasuwe: 378 0

Gakwaya yahakanye ibyo kuza kwa Witakenge muri Rayon Sports

• Gakwaya yatangaje ko Witakenge atarasinyira Rayon Sports • Gakwaya yavuze...
21 November 2017 Yasuwe: 1429 0

Rayon Sports ishobora kutazongera gukina shampiyona muri uyu mwaka wa...

• FERWAFA yemeye ubusabe bwa Rayon Sports bwo gusubika imwe mu mikino ya...
21 November 2017 Yasuwe: 2252 0

Abafana ba Westham bihanangirijwe na polisi yo mu Bwongereza

• Abafana ba Westham bari guteshwa umutwe polisi ya Essex kugira ngo yinire...
20 November 2017 Yasuwe: 318 0