Kigali

Abandi bantu 2 baguye mu mubyigano wo kuri stade muri Afurika y’Epfo

Imikino   Yanditswe na: Dusingizimana Remmy 30 July 2017 Yasuwe: 320

Kuri uyu wa Gatandatu taliki ya 29 Nyakanga ubwo muri afurika y’epfo habaga umukino wahuzaga abakeba bakomeye muri iki gihugu Kaizer Chiefs na Orlando Pirates abafana babyiganiye kwinjira muri stade byatumye 2 muri bo bahasiga ubuzima abandi barenga 19 barakomereka.

Uyu mukino waberaga ku kibuga cya FNB stadium ya mbere mu bunini muri Afurika y’Epfo iherereye mu mugi wa Soweto I Johannesbourg aho warangiye Kaizer Chiefs itsinze igitego 1-0.

Ubwo abafana bageragezaga kwinjira muri sitade haje kuba ubushyamirane hagati yabo byateje umubyigano ukomeye watumye babiri bahasiga ubuzima nkuko byatangajwe ni ushinzwe umutekano w’iyi stade Jacques Grobbelaar.

Umuyobozi w’umugi wa Johannesbourg Herman Mashaba yihanganishije imiryango y’ababuriye ababo muri uyu mubyigano .

Yagize ati “Biteye agahinda kubura abantu ku mukino ukomeye nk’uyu gusa twijeje abantu ko ubuyobozi bwa Johannesbourg bugiye gukorana n’ababishijwe kugira ngo ibyago nk’ibi ntibizongere kubaho.”

Muri iyi minsi ibintu byo kubura abantu kubera umubyigano wo kuri stade bimaze gufata indi ntera aho biheruka kubera muri Malawi ndetse no muri Senegal muri uku kwezi.

Author : Dusingizimana Remmy

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Areruya yatangaje byinshi ku hazaza he muri Dimension Data

• Areruya Joseph na Mugisha Samuel barangije amasezerano muri Dimension Data...
25 November 2017 0

Rwatubyaye yatangaje ikintu azahora yibukira kuri Katauti witabye...

• Rwatubyaye azahora yibukira Katauti kuri gahunda yagiraga • Rwatubyaye...
25 November 2017 Yasuwe: 444 0

Uko imikino iteganyijwe ku munsi wa 8 wa shampiyona y’u Rwanda

• Shampiyona y’u Rwanda igeze ku munsi wa 8 • Kiyovu Sports iyoboye...
25 November 2017 Yasuwe: 69 0

Antoine Hey yahamagaye abakinnyi 23 bazitabira CECAFA

• Abakinnyi bazahagararira u Rwanda muri CECAFA bamenyekanye • APR FC niyo...
24 November 2017 Yasuwe: 271 0

Rayon Sports iri mu biganiro n’umutoza wigeze gutoza mu Rwanda

• Rayon Sports irashaka umutoza usimbura Karekezi Olivier • Rayon Sports...
24 November 2017 Yasuwe: 1225 0

Seninga Innocent agiye kwitabaza FIFA kugira ngo imufashe kwishyuza Kiyovu...

• Kiyovu Sports yanze kwishyura Seninga Innocent miliyoni 6 z’amafaranga y’u...
24 November 2017 Yasuwe: 609 0