Abanya Eritrea baba mu Rwanda bakiriye ikipe y’igihugu y’umukino wo gusiganwa ku magare igiye kwitabirira imikino ya shampiyona y’Afurika muri uyu mukino izatangira ku munsi w’ejo taliki ya 14 Gashyantare 2018. Abasore bakomeye bari mu ikipe y’igihugu ya Eritrea nka Debesay Mekseb kabuhiriwe mu gusiganwa ahatambika, Meron Teshome, Amanuel Gebrezgabhier,Eyob Metkel bari muri ibi birori bishimiye iki gikorwa nkuko babitangaje ku mbuga nkoranyambaga. Ikipe y’igihugu ya Eritrea irahabwa amahirwe (...)

Sponsored Ad

Abanya Eritrea baba mu Rwanda bakiriye ikipe y’igihugu y’umukino wo gusiganwa ku magare igiye kwitabirira imikino ya shampiyona y’Afurika muri uyu mukino izatangira ku munsi w’ejo taliki ya 14 Gashyantare 2018.

Abasore bakomeye bari mu ikipe y’igihugu ya Eritrea nka Debesay Mekseb kabuhiriwe mu gusiganwa ahatambika, Meron Teshome, Amanuel Gebrezgabhier,Eyob Metkel bari muri ibi birori bishimiye iki gikorwa nkuko babitangaje ku mbuga nkoranyambaga.

Ikipe y’igihugu ya Eritrea irahabwa amahirwe menshi yo kuzegukana umudali wa zahabu mu gusiganwa mu muhanda mu bakuru cyane ko imaze imyaka 7 yikurikiranya iyegukana ndetse kuri iyi nshuro yazanye ikipe irimo abasore bakomeye cyane kandi bamenyereye u Rwanda.

Uyu munsi nibwo harashyirwa hanze urutonde rwa nyuma rw’abakinnyi bazitabira iyi shampiyona aho ibihugu 22 byemeje ko bizayitabira.

Abakinnyi Eritrea izakoresha muri shampiyona y’Afurika:
Abagabo: Mekseb Debesay, Meron Teshome, Amanuel Gebrezgabiher, Metkel Eyob, Henok muluberhan, Simon Mussie, Tesfom Okubamariam na Elyas Afewerki.
Mu ngimbi: Hager, Tomas, Natan na Biniam.

Mu bagore: Mosana Debesay (mushiki wa Mekseb), Wahazit kidane, Bisrat Gebremeskel na Tigsti Geberihiwet.

Mu bangavu: Desite Kidane

Gahunda irambuye ya shampiyona ya Africa izabera mu Rwanda
Ku wa kabiri tariki 13 Gashyantare 2018:
Ibirori byo gutangiza isiganwa ku mugaragaro

Ku wa Gatatu tariki 14 Gashyantare 2018::
Gusiganwa n’igihe mu makipe (Abakobwa b’abangavu) – 18,6 km
Gusiganwa n’igihe mu makipe (Ingimbi) – 18,6 km
Gusiganwa n’igihe mu makipe (Abakobwa bakuru) – 40,0 km
Gusiganwa n’igihe mu makipe (Abagabo bakuru) – 40,0 km

Ku wa Kane tariki 15 Gashyantare 2018:
Gusiganwa umuntu ku giti cye (Abakobwa b’abangavu)– 18,6 km
Hommes Gusiganwa umuntu ku giti cye (Ingimbi) – 18,6 km
Gusiganwa umuntu ku giti cye (Abakobwa bakuru) – 40,0 km
Gusiganwa umuntu ku giti cye (Abagabo) – 40,0 km

Ku wa Gatandatu tariki 17 Gashyantare 2018:
Gusiganwa mu muhanda (Ingimbi) – 72 km
Gusiganwa mu muhanda (Abakobwa b’abangavu)– 60 km
Gusiganwa mu muhanda (Abakobwa bakuru) - 84 km

Ku Cyumweru tariki 18 Gashyantare 2018:
Gusiganwa mu muhanda -168 km




Ikipe ya Eritrea imaze iminsi mu myitozo yo kwitegura shampiyona y’Afurika