Kigali

Abanyarwanda 3 bagaragaye ku rutonde rw’abakinnyi b’abanyafurika bazatoranywamo uwahize abandi mu mukino wo gusiganwa ku magare muri 2018

Imikino   Yanditswe na: Dusingizimana Remy 27 November 2018 Yasuwe: 848

Abasore 3 b’abanyarwanda bakina umukino wo gusiganwa ku magare bisanze ku rutonde ruzatoranywamo umukinnyi wahize abandi mu mukino wo gusiganwa ku magare muri Africa.

Abakinnyi 3 b’Abanyarwanda barimo Areruya Joseph, Mugisha Samuel na Uwizeyimana Bonaventure batoranyijwe mu bakinnyi 15 bagomba guhatanira igihembo cy’umukinnyi witwaye neza kurusha abandi muri Afurika ‘Best African cyclist of the year 2018’.

Areruya niwe wigaragaje cyane muri aba banyarwanda 3 kuko yatwaye amarushanwa akomeye arimo La Tropicale Amissa Bongo 2018 na Tour de l’Espoir yatumye u Rwanda rwitabira Tour de l’Avenir ifatwa nka Tour de France y’abatarengeje imyaka 23 .

Areruya kandi yitwaye neza muri shampiyona y’Afurika yo gusiganwa ku magare yabereye hano mu Rwanda aho yaje ku mwanya wa mbere mu gusiganwa mu muhanda mu batarengeje imyaka 23.

Mugisha Samuel yegukanye Tour du Rwanda 2018 mu gihe Uwizeyimana Bonaventure we yegukanye Tour du Cameroon.

Itsinda ry’abategura isiganwa mpuzamahanga ‘La Tropicale Amissa Bongo’ riyobowe na Bernard Hinault, niryo ritegura ibirori ngarukamwaka byo guhemba umukinnyi witwaye neza kurusha abandi mu mukino wo gusiganwa ku magare muri Afurika.

Urutonde rw’abakinnyi 15 bazatoranywamo uwa mbere muri Afurika:

1.Mugisha Samuel (Rwanda)

2.Areruya Joseph (Rwanda)

3. Bonaventure Uwizeyimana (Rwanda)

4. Ghebreigzabhier Amanuel (Eritrea)

5. Cisse Isiaka (Cote d’Ivoire)

6. De Bod Stefan (Afurika y’Epfo)

7. Hendrickx Clint (Afurika y’Epfo)

8. Impey Daryl (Afurika y’Epfo)

9. Kamzong Clovis (Cameroon)

10. Kipkemboi Salim (Kenya)

11. Kudus Merhawi (Eritrea)

12. Lagab Azzedine (Algeria)

13. Mulubrhan Henok (Eritrea)

14. Reguigui Youcef (Algeria)

15. Sorgho Mathias (Burkina Faso)

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Umuhanga mu by’ikoranabuhanga yavuze ko agiye gukora Lionel Messi...

Umuhanga mu by’ikoranabuhanga witwa Arcadi Navarro, yavuze ko ashobora...
20 March 2019 Yasuwe: 278 0

Umutoza w’Amavubi Mashami yatangaje abakinnyi 23 azajyana muri Cote...

Umutoza w’ikipe y’igihugu Amavubi,Mashami Vincent,yamaze gutangaza urutonde...
20 March 2019 Yasuwe: 1149 0

Jose Mourinho yavuze umukinnyi yagura amafaranga menshi kurusha abandi ku...

Umutoza Jose Mourinho wahoze atoza ikipe ya Manchetser United...
20 March 2019 Yasuwe: 4363 0

Zlatan Ibrahimovic yagiriye inama umutoza wa Manchester United Ole Gunnar...

Rutahizamu wa LA Galaxy,Zlatan Ibrahimovic yasabye umutoza wa Manchester...
20 March 2019 Yasuwe: 1917 0

Umukinnyi wo muri Turkia yakuyemo ikabutura yereka abafana ba mukeba...

Umukinnyi witwa Mahmut Onur Toprak w’ikipe ya Sanliurfa Genclerbirligi...
20 March 2019 Yasuwe: 2317 0

Umuherwe utunze miliyari 21 z’amapawundi yashyize akayabo ku meza kugira ngo...

Umuherwe wa mbere mu Bwongereza witwa Sir Jim Ratcliffe yamaze gutangaza ko...
20 March 2019 Yasuwe: 2345 0