Kigali

Abanyarwanda ntibari kumvikana muri Tour du Rwanda y’uyu mwaka

Imikino   Yanditswe na: 14 November 2017 Yasuwe: 1108

• Abanyarwanda bambuwe umwenda w’umuhondo kubera ubwumvikane buke
• Nsengimana arashinja valens Ndayisenga kuba intandaro yo gutuma atakaza igihe uyu munsi
• Areruya wari ufite umwenda w’umuhondo yawambuwe kubera gukoresha imbaraga nyinshi mu kubuza bagenzi be kugenda
• Simon Perraud wa Team Illuminate niwe wambaye umwenda w’umuhondo aho Arusha abanyarwanda umunota wose

Abakinnyi b’abanyarwanda ntibari kumvikana muri Tour du Rwanda aho buri wese hagati ya Valens,Nsengimana Jean Bosco na Areruya Joseph ari guhangana na mugenzi we kugira ngo atware umwenda w’umuhondo aho kugira ngo bafashe ufite amahirwe menshi azegukane umwenda w’umuhondo ku cyumweru.

Ntabwo byari bizwi n’abafana gusa uyu munsi ku gace kavaga Muhanga kerekezaga I Rubavu nibwo byagiye hanze nyuma yo kutumvikana hagati ya Areruya Joseph ukinira Dimension Data yo muri Afurika y’Epfo,Ndayisenga Valens ukinira Tirol Cycling yo muri Autriche na Nsengimana Jean Bosco ukinira Team Rwanda bahanganye bigatuma Simon Perraud ukinira ikipe ya Team Illuminate abasiga bikomeye.

Ubwo aba basore bari bageze ku Mukamira, ni bwo aba bakinnyi uko ari 3 batangiye guhangana babimburiwe na Nsengimana Jean Bosco wafashe iya mbere agasatira, maze Areruya Joseph na Ndayisenga Valens bagahita bamubuza kugenda byatumye bose batakaza imbaraga nyinshi maze abanyamahanga barimo Eyob Metkel na Simon Perraud buririra ku kutumvika kwabo birangira babatsinze ndetse batakaza umwenda w’umuhondo ugwa mu maboko ya Simon Perraud.

Nyuma y’aka gace aba basore bose uko ari 3 batangaje ko batagitahiriza umugozi umwe ko ahubwo buri wese ari gukinira ikipe ye aho guharanira ishema ry’igihugu.

Valens Ndayisenga yagize ati “Habayeho kutumvikana ku banyarwanda kuko ntabwo twumvikanye kuko ntabwo twafashanyije.Tugiye kwegera abayobozi b’amakipe yo mu Rwanda tukareba uko twakorana kuko tudafatanyije twabura umwenda w’umuhondo.Njye nsa n’uwacitse intege kuko ikipe yanjye idakomeye ahubwo nasaba abanyarwanda ko bamfasha cyangwa bagafasha Bosco tukongera gufata umwenda w’umuhondo cyane ko irushanwa rikiri ribisi.”

Byukusenge Patrick we yagize ati “Habuze ubwumvikane mu bakinnyi twari turi hamwe imbere kandi nihakomeza ubwumvikane buke dushobora gutakaza umwenda w’umuhondo burundu.”

Nsengimana Jean Bosco uri hafi ku rutonde rusange ndetse wabangamiwe n’aba bagenzi be cyane ko yari ufite amahirwe yo kwisubiza uyu mwenda w’umuhondo yababajwe no kutumvikana kwabaye.

Yagize ati “Habayeho ubufatanye buke dusa n’aho ducungana kuko nashatse guca mu rihumye igikundi ndetse abanyarwanda bo muri Team Rwanda bari biteguye kumfasha babangamiwe na Valens kuko yahise yataka bituma ntakaza ingufu cyane birangira naniwe. Njye na Valens twari twumvikanye ndetse niwe wambwiye ngo natake gusa nawe yahise yataka sinzi uko yiyumvagakuko sinifuzaga guhangana nawe ariko ubunye ibibaye inyuma hariya yagombaga kunkururira kuko nari ku mwanya wa kabiri ariko yatatse nsigaramo.”

Mu myaka 3 ishize abanyarwanda nibo batwaye Tour du Rwanda kubera ubufatanye bagiraga uko babaga ari 15 gusa uyu mwaka birasa naho byahindutse aho buri wese ashaka kwitibintu bishobora gutuma abanyamahanga begukana Tour du Rwanda uyu mwaka dore ko bamaze gushyiramo ikinyuranyo cy’umunota.

Uko agace kagenze

Uko bihagaze ku rutonde rusange:

1. Simon Perraud 7h50’ 22’’
2. Alerura Joseph 1min
3. Valens Ndayisenga
4. Suleiman Kangagi
5. Patrick Byukusenge

Ibitecyerezo

  • Log in

    Amategeko n'amabwiriza birkurikizwa


Inzindi nkuru

APR FC yakaniye kunyagirira Anse Reunion ku kibuga cyayo

Abakinnyi b’ikipe ya APR FC n’umutoza wayo Jimmy Mulisa batangaje ko bagiye...
19 February 2018 Yasuwe: 696 0

Abakinnyi ba West Bromowich bashinjwa kwiba Taxi bashobora gufatirwa...

Abakinnyi 4 b’ikipe ya West Bromowich Albion yo mu cyiciro cya mbere mu...
19 February 2018 Yasuwe: 639 0

Minnaert wari witezwe muri Rayon Sports ntiyumvikanye n’ubuyobozi...

Umubiligi Ivan Jacky Minnaert wari umaze iminsi avugwa ko agiye kugaruka mu...
19 February 2018 Yasuwe: 2989 0

Icyatumye Girubuntu wasezeye umukino w’amagare kubera amaguru atareshya...

Kuri uyu wa 18 Gashyantare, 2018 Perezida w’Ishyirahamwe ry’Umukino wo...
19 February 2018 Yasuwe: 806 0

Nova Bayama yahagaritswe kubera imyitwarire mibi

Umukinnyi Nova Bayama ukina asatira mu ikipe ya Rayon Sports yahagaritswe...
19 February 2018 Yasuwe: 1088 0

Ishyamba si ryeru mu ikipe ya LLB imaze iminsi idakora imyitozo

Ikipe ya Lydia Ludic Academic yo mu Burundi iri kwitegura gucakirana na...
19 February 2018 Yasuwe: 1782 0