Kigali

Abapolisi begukanye imidari ya Bronze mu marushanwa ya Taekwondo

Imikino   Yanditswe na: Iyamuremye Janvier 15 December 2017 Yasuwe: 139

Sgt Birori Consolée na Cpl Ruterana Gilbert batwaye imidari ibiri ya Bronze mu Marushanwa y’Umukino wa Taekwondo y’uyu mwaka wa 2017 ku rwego rw’Igihugu yabereye kuri Petit Stade i Remera kuva ku itariki 11 kugeza ku wa 13 z’uku kwezi (iminsi itatu).

Aya marushanwa yitabiriwe n’Amakipe 14 abarizwa hirya no hino mu gihugu; Polisi y’u Rwanda ikaba yari ihagarariwe n’aba bombi, bakaba kandi ari bamwe muri 25 bagize Ikipe yayo ya Taekwondo (Police Taekwondo Club) iriho kuva mu 2014.

Sgt Birori, usanzwe ufite umukandara w’ubururu yatwaye uyu mudari nk’umukinnyi witwaye neza kurusha bagenzi be b’igitsina gore bafite munsi y’ibiro 70, naho Cpl Ruterana, ufite umukandara w’umukara, Dane ya kabiri, yatwaye ubu bwoko bw’umudari nk’umukinnyi warushije abandi b’igitsina gabo bafite munsi y’ibiro 63.

Kugeza magingo aya , Cpl Ruterana amaze gutwara imidari itandatu ya Bronze; akaba kandi ari we watwaye Igikombe cy’amarushanwa ya Teakwondo y’umwaka ushize; naho Sgt Birori amaze gutwara imidari itandatu y’ubwoko butandukanye.

Cpl Ruterana ni we Mutoza wa Police Taekwondo Club. Mu kiganiro na we yavuze ko gutwara ibikombe babikesha gukora imyitozo ihagije, gukina bafite ishyaka ryo gutsinda; kuri ibi hakiyongeraho inama bagirwa n’Ubuyobozi Bukuru bwa Polisi y’u Rwanda hamwe n’inkunga butera iyi Kipe."

Yagize ati,"Intego yacu ni ugutwara intsinzi igihe cyose twitabiriye amarushanwa. Turizeza abafana ba Police Taekwondo Club n’abakunzi b’uyu mukino muri rusange ko tutazabatetereza; icyo tubasaba ni ukudushyigikira igihe twakinnye n’andi makipe."

Yavuze ko bazakomeza kwihugura kugira ngo bagire ubumenyi buhagije butuma bakomeza gutwara imidari n’ibikombe by’Amarushanwa atandukanye abera mu gihugu ndetse n’abera mu karere U Rwanda ruherereyemo.

Usibye Ikipe y’Umukino njyarugamba wa Taekwondo, Polisi y’u Rwanda ifite kandi Ikipe y’Umupira w’amaguru (Police Football Club) ikagira n’Ikipe y’umukino w’intoki (Police Handball Club).

Imikino n’imyidagaduro ni bimwe mu byo Polisi y’u Rwanda ikoresha mu kugeza ubutumwa bwo kwirinda ibyaha ku muryango nyarwanda.

Author : Iyamuremye Janvier

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Ronaldo yasomanye n’umukunzi we biratinda nyuma yo kwegukana UEFA Champions...

Kabuhariwe Cristiano Ronaldo yagarutse kenshi mu binyamakuru kubera ukuntu...
27 May 2018 Yasuwe: 2118 0

Dore ibintu bitangaje k’ubuzima bwa Yannick Mukunzi wavukiye i Burundi akaba...

Yannick Mukunzi ni umusore w’imyaka 23 dore ko yabonye izuba taliki 2...
27 May 2018 Yasuwe: 5654 0

Unai Emery ugiye gutoza Arsenal yavuze ukuntu yabangamiwe bikomeye na...

Umutoza mushya w’ikipe ya Arsenal Unai Emery,yatangaje ko nubwo yari umutoza...
27 May 2018 Yasuwe: 2956 0

Amagambo Cristiano Ronaldo yatangaje nyuma yo gutwara Champions League...

Kabuhariwe Cristiano Ronaldo yatumye imitima y’abafana ba Real Madrid irara...
27 May 2018 Yasuwe: 5532 0

Minnaert yahishuye icyo we n’abakinnyi bagiye gukora kugira ngo Rayon Sports...

Umutoza w’ikipe ya Rayon Sports Ivan Minnaert yatangaje ko we n’abakinnyi...
27 May 2018 Yasuwe: 2750 0

Sergio Ramos yabwiye amagambo akomeye abagereranya Mohamed Salah na...

Kapiteni w’ikipe ya Real Madrid Sergio Ramos yabwiye abantu bamaze iminsi...
26 May 2018 Yasuwe: 4085 0