Kigali

Abareraga wa mukobwa wiyahuriye kwa Makuza bavuze uburyo yari abayeho neza bahishura nibindi byinshi kuri we[AMAFOTO]

Imikino   Yanditswe na: Martin Munezero 11 September 2019 Yasuwe: 8951

Scolastique Hatangimana bakundaga kwita ‘Scola’ yiyahuye asimbutse mu igorofa rya kane ry’inyubako ya Makuza Peace Plaza ku wa gatanu tariki 06/9/2019, akaba yarahise ajyanwa mu bitaro bya CHUK, aza gushiramo umwuka ku munsi ukurikiyeho.

Hatangimana wiyahuye yarerwaga na nyirasenge witwa Léoncie Mukantabana kuva mu 1994 ubwo yari amaze ukwezi kumwe avutse, kuko ababyeyi be bari bamaze kwicwa muri Jenoside yakorewe Abatutsi.

Mu gusezera ku murambo mu rugo rwa Mukantabana n’umugabo we Florent Baganizi i Kimironko kuri uyu wa kabiri, aba babyeyi bisobanuye bavuga ko ntako batakoze kugira ngo bafashe uwo mwana gukura neza.

Uyu nyirasenge wa Scola agira ati “Uyu mwana yanyitaga mama, uru rugo yabagamo nta makimbirane na make abamo, nta n’ubwo yarerewe mu kigo cy’impfubyi nk’uko byavuzwe mu makuru, urupfu rw’uyu mwana rwadutunguye gutyo natwe”.

Umugabo wa Mukantabana, Baganizi Florent we akomeza avuga ko Scola yamubwiraga ko yumvaga atamerewe neza mu gihe cya ninjoro.

Ati “Ni umwana ntigeze nshyiraho agahato ngo kora iki, namurekaga agakora icyo ashaka, ntabwo yigeze abura ibikoresho by’ishuri, natunguwe n’uko yakoze ibyo mwabonye”.

Scola apfuye amaze igihe gito avuye mu Buhinde kwiga, n’ubwo abamureraga bavuga ko batari babishyigikiye, kuko ngo yari asize mu Rwanda amasomo ameze nk’ayo yari agiyemo hanze.

Baganizi wamureze akomeza agira ati “Icyakora yambwiraga ko ashaka kwikodeshereza aho aba, na byo twabanje kubyanga tumubaza icyo yatuburanye, mu mezi nk’abiri ashize nibwo yatangiye gutwara imyenda ye yimuka”.

Hatangimana Scolastique yakoraga umwuga wo kudoda imyenda, gusuka imisatsi no gucururiza inkweto mu nyubako ya City Plaza mu Mujyi wa Kigali.

Uwari inshuti ya Hatangimana witwa Leocadie ndetse na Janvier Tuyishime musaza we wo kwa se wabo, bavuga ko baherukaga kuvugana na we ku wa gatanu mu gitondo ari wo munsi yiyahuriyeho, akaba yarababwiraga ko yumva atameze neza.

Author : Martin Munezero

Ibitecyerezo

  • Log in

    Amategeko n'amabwiriza birkurikizwa


  • chat_bubble vava

    agahinda kimfubyi kazwi n’Imana zivuze ibyazo isi yakuzura umuborogo kwivuga ibigwi ntibikuyeho ko yishwe nagahinda. kuko ntiwakwiyahura unezerewe niba ntacyo umutima ugushinja urahirwa ariko reka kuvuga ko ntacyo yari abuze kdi yagaragaje urwo wamukunze umunsi asezera kubuzima.

    6 days ago
  • chat_bubble TWAYIGIZE

    MBEGA.UMURENGO,
    YABUZE,KUJYA,

    1 week ago
  • chat_bubble TWAYIGIZE

    MBEGA.UMURENGO,
    YABUZE,KUJYA,

    1 week ago

Inzindi nkuru

Cristiano Ronaldo ari gushakisha bikomeye abakobwa bamuhaye umugati ashonje...

Rutahizamu Cristiano Ronaldo wa Juventus,ari gushaka bikomeye abakobwa...
18 September 2019 Yasuwe: 2810 0

KNC yavuze uburyo abakinnyi bazazana iby’amarozi mu mikino yose bazahuriramo...

Kakoza Nkurunziza Charles wamamaye ku izina rya KNC ukuriye ikipe ya Gasogi...
18 September 2019 Yasuwe: 1586 0

Mashami Vincent yatangaje abakinnyi 11 barahangana na RDC mu mukino wa...

Umutoza w’ikipe y’igihugu,Mashami Vincent,yamaze gutangaza abakinnyi 11...
18 September 2019 Yasuwe: 2158 1

Cristiano Ronaldo yatangaje agahigo yifuza kurusha Messi,umubare w’abantu...

Rutahizamu Lionel Messi ngo arifuza ko yazasoza umupira w’amaguru arusha...
18 September 2019 Yasuwe: 2258 0

Umutoza wa Arsenal yakoze ikintu gitangaje mu guhosha imvururu zavutse mu...

Abakinnyi ba Arsenal bari kurebana ay’ingwe nyuma y’aho bamwe muri bo bitwaye...
18 September 2019 Yasuwe: 3880 0

Liverpool na Chelsea ntizahiriwe n’intangiriro za UEFA Champions...

Nk’ibisanzwe irushanwa rya UEFA Champions League 2019/2020 ryatangiranye...
18 September 2019 Yasuwe: 1148 0