Kigali

Abatoza bane bagomba kuvamo usimbura Lopetegui muri Real Madrid bamaze kumenyekana

Imikino   Yanditswe na: Dusingizimana Remy 30 October 2018 Yasuwe: 2815

Mu ijoro ryakeye nibwo ikipe ya Real Madrid yirukanye umutoza wayo Julen Lopetegui wanyagiwe na FC Barcelona ibitego 5-1 muri El Clasico ku Cyumweru gishize,aho hasohotse urutonde rw’abatoza 4 bagomba kuvamo umusimbura.

Muri aba batoza 4 bahabwa amahirwe yo kuvamo usimbura Julen Lopetegui,harimoRoberto Martinez usanzwe atoza ikipe y’igihugu y’Ububiligi,Mauricio Pochettino wa Tottenham,Antonio Conte wahoze atoza Chelsea ndetse na Santiago Solari wabaye agizwe umutoza w’agateganyo.

Antonio Conte yakagombye kuba yahise atangazwa ariko ntiyumvikanye n’abayobozi ba Real Madrid kubera ibyo yabasabaga birimo amasezerano y’imyaka 2 n’igice ndetse no kwizanira abamwungirije 5.

Biravugwa ko kapiteni wa Real Madrid,Sergio Ramos atifuza Conte ndetse ashobora kubura aka kazi kubera ko iyi kipe yifuza kugura Eden Hazard kandi adacana uwaka n’uyu mutoza.

Roberto Martinez utoza Ububiligi niwe uhabwa amahirwe menshi yo kubona aka kazi kuko akomoka muri Espagne gusa nawe ashobora gutinya igitutu cya Real Madrid imerewe nabi.

Umutoza wa Tottenham Mauricio Pochettino niwe wifuzwa cyane na Perezida wa Real Madrid, Perez,gusa uyu mugabo akunda Tottenham kubera ko nta gitutu imushyiraho.

Pochettino yahawe ibyumweru 2 kugira ngo abe yamenyesheje Real Madrid niba yayerekezamo gusa biragoye kubera amasezerano afitanye na Tottenham.

Umutoza wa nyuma uhabwa amahirwe ni Santiago Solari wari usanzwe utoza ikipe ya kabiri ya Real Madrid,castilla,gusa uyu we nta mahirwe menshi ahabwa kuko atari inararibonye.

Real Madrid izatangaza umutoza mushya mu kwezi gutaha nyuma y’imikino y’ibihugu aho byitezwe ko azava muri aba bane bahurijweho n’ibinyamakuru byinshi I Burayi.

Mu bandi batoza bahabwa amahirwe harimo Arsene Wenger,Micheal Laudrup na Laurent Blanc.




Pochettino,Martinez,Conte na Solari nibo bafite amahirwe yo kuvamo umutoza uzasimbura Lopetegui

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Jose Mourinho yishongoye kuri Jurgen Klopp na Maurizio Pochettino batoza...

Uwahoze ari umutoza wa Manchester United,Jose Mourinho yatangaje ko nta...
25 March 2019 Yasuwe: 2018 0

Rayon Sports yafashe ingamba zikomeye zigiye kuyifasha gutera imbere...

Kuri iki Cyumweru taliki ya 24 Werurwe 2019 nibwo ubuyobozi bw’ikipe ya...
25 March 2019 Yasuwe: 4778 1

Ikipe y’igihugu cya Uganda nayo yanyagiwe n’ikipe y’igihugu cya...

Ikipe y’igihugu ya Tanzania ibaye igihugu cya kane gituranye n’u Rwanda...
24 March 2019 Yasuwe: 2898 0

Ubuyobozi bwa Rayon Sports bwagabiye inka ebyiri umukinnyi Irambona Eric...

Ubuyobozi bw’ikipe ya Rayon Sports bwagabiye inka 2 umuryango mushya wa...
24 March 2019 Yasuwe: 4183 0

Wayne Rooney yasohokanye ku mazi umugore we byavugwaga ko benda gutandukana...

Umukinnyi Wayne Rooney wahoze akinira amakipe akomeye nka Manchester United...
24 March 2019 Yasuwe: 3975 0

Cristiano Ronaldo yongeye kugaragariza mu ruhame ko yanga ikipe ya Real...

Rutahizamu Cristiano Ronaldo ukinira ikipe ya Juventus yongeye kugaragaza...
24 March 2019 Yasuwe: 7073 0