Kigali

‘Afande Kabarebe yarankundaga’ Rutanga Eric

Imikino   Yanditswe na: Nsanzimana Ernest 20 December 2017 Yasuwe: 847

Rutanga Eric wahoze mu ikipe y’ ingabo z’igihugu akina inyuma ku ruhande rw’ibumoso yakomoje ku buzima yanyuzemo ubwo yari muri APR anavuga ukundu Minisitiri w’ ingabo z’ u Rwanda Jenerali James Kabarebe yamukundaga.

Uyu musore yavuze ko ubwo yari akiri muri APR FC yaburaga umwanya wo gukina kandi abakinnyi bamwicazaga batamurusha umupira.

Uyu musore yabitangaje mu kiganiro yagiranye na Radio Rwanda,aho yavuze ko kuva yazamurwa mu ikipe ya mbere ya APR FC buri mwaka yahoraga abwirwa n’abatoza ko azakina bikarangira icyizere kiraje amasinde ndetse kiyoyoka burundu ubwo bazanaga umusore Imanishimwe Emmanuel uzwi nka Mangwende aho yahise afata umwanzuro wo kuva muri iyi kipe y’ingabo z’igihugu.

Yagize ati “Buri mwaka nizezwaga ko nzabona umwanya ariko bikarangira nkiri ku ntebey’abasimbura.Nasabye ubuyobozi kundekura gusa afande James Kabarebe yarankundaga kandi yifuzaga ko nabona umwanya uhagije wo gukina.Ibintu byaje guhinduka ubwo ikipe yazanaga umukinnyiImanishimwe Emmanuel,nahise numva ibintu birangiye kuri njye kuko ntabwo bari kumwicaza kandi yari umukinnyi mushya. Uyu mwaka nibwo nafashe umwanzuro wo gusohoka muri APR FC kuko iyo ntayivamo, nari gusezera umupira nicajwe n’ umuntu utandusha.”

Rutanga yavuze ko yarwanye intambara ikomeye yo kwerekeza mu ikipe ya Rayon Sports kuko ubuyobozi bwa APR FC bwifuzaga kumugurisha mu ikipe ya AS Kigali nayo yamushakaga cyane gusa igatanga amafaranga make ugereranyije na Rayon Sports aho byarangiye ahisemo kwerekeza muri iyi kipe ifite abafana benshi kurusha izindi mu Rwanda.

Nyuma yo kuva mu ikipe ya APR FC,Rutanga Eric yabonye umwanya uhoraho wo kubanza mu kibuga mu ikipe ya Rayon Sports aho byamuhesheje amahirwe yo guhamagarwa mu ikipe y’igihugu Amavubi.

DUSINGIZIMANA REMY

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Reba amafoto ya bamwe mu bagore n’abakunzi b’abakinnyi ba Real Madrid na...

Ku munsi w’ejo nibwo kuri stade ya NSC Olimpiyskiy Stadium iherereye mu mugi...
25 May 2018 Yasuwe: 3010 0

Mayweather yongeye kwifotoza afite akayabo k’ amadolari umukobwa ari...

Kabuhariwe mu iteramakofe Floyd Mayweather yongeye kwereka isi yose ko ari...
25 May 2018 Yasuwe: 1560 0

Cristiano Ronaldo yatangaje myugariro wamugoye kurusha abandi

Kabuhariwe Cristiano Ronaldo umaze gutsinda ibitego birenga 500 mu mateka...
25 May 2018 Yasuwe: 3266 0

Bigoranye APR FC y’abakinnyi 10 ikuye amanota 3 kuri Musanze...

Ibifashijwemo n’abasore bayo bakomoka mu karere ka Rubavu,ikipe ya APR FC...
24 May 2018 Yasuwe: 1905 0

Real Madrid na Liverpool batangaje abakinnyi 18 bazakoresha ku mukino wa...

Harabura amasaha make kugira ngo rwambikane hagati ya Real Madrid ishaka...
24 May 2018 Yasuwe: 2202 0

Benshi batangariye ukuntu Cristiano Ronaldo yakoze umubiri cyane...

Hirya no hino ku isi,hiriwe hacaracara amafoto agaragaza ukuntu Cristiano...
24 May 2018 Yasuwe: 2768 0