Kigali

AFCON 2019: Maroc yacishije bugufi Cote d’Ivoire mu gihe Africa y’Epfo yongeye kugaruka mu irushanwa

Imikino   Yanditswe na: Dusingizimana Remy 29 June 2019 Yasuwe: 1172

Ikipe ya Cote d’Ivoire yasuzuguwe n’ikipe ya Maroc iyitsinda iyirusha igitego 1-0 mu mukino w’umunsi wa kabiri wo mu itsinda D wanahiriye igihugu cya Afrika y’Epfo cyari cyatsinzwe mu mukino wa mbere.

Mu mikino yabimburiye iyindi kuri uyu wa Gatanu,ikipe ya Tunisia yari yanganyije umukino wa mbere wo mu Itsinda E na Angola igitego 1-1 bigoranye,yongeye kunanirwa gutsinda Mali mu mukino wa kabiri banganyijemo nanone igitego 1-1,bituma igira akazi kenshi ko kuzatsinda Mauritania mu mukino wa 3 wo mu itsinda.

Ikipe ya Mali niyo yafunguye amazamu ku munota wa 60 w’umukino ku gitego cyatsinzwe na Diadie Samassekou ku ishoti yatereye inyuma y’urubuga rw’amahina.Tunisia yishyuye iki gitego ku munota wa 70 gitsinzwe na kabuhariwe Wahbi Khazri.Mali iyoboye itsinda n’amanota 4 mu gihe Tunisia ifite 2.

Mu mukino wafatwaga nk’ishyiraniro kuri bakunzi ba ruhago wahuje Maroc na Cote d’Ivoire,warangiye benshi batunguwe kuko ikipe ya Maroc yarushije Cote d’Ivoire bigaragara iyitsinda igitego 1-0 cyatsinzwe na Youssef En-Nesyri ku munota wa 23 w’umukino.

Icyagaragaye ni uko umutoza Herve Renard yize Cote d’Ivoire yahozemo kuko nyuma yo kureba umukino yatsinzemo Afrika y’Epfoigitego 1-0,yayiteguye neza byatumye ayirusha bikomeye ndetse ayikuraho amanota 3 yamuhaye itike yo kwerekeza muri 1/8 cy’irangiza.Maroc yari yatsinze umukino wa mbere Namibia igitego 1-0.

Afrika y’Epfo yatsinzwe umukino ubanza na Cote d’Ivoire igitego 1-0 mu mukino wa mbere,yikuyeho igisebo itsinda Namibia igitego 1-0 cyatsinzwe na Bongani Zungu ku munota wa 68,biyifasha kubona amanota 3 ya mbere.

Imikino y’igikombe cya Afurika irakomeza uyu munsi hakinwa imikino itandukanye irimo urahuza Mauritania na Angola saa 16h30,hakurikireho uw’ishyiraniro urahuza Cameroon na Ghana saa 19h00 mu gihe Benin na Guinea Bissau baripima saa 22h00.

Ghana yanganyije na Benin ibitego 2-2 mu mukino wa mbere,irasabwa gutsinda Cameroon yatsinze Guinea Bissau ibiteg 2-0 mu mukino wa mbere kugira ngo yizere kuzabona itike ya 1/8 byoroshye.




Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Byarangiye Bugesera FC yemeye gukina na Rayon Sports saa kumi...

Mu nama yahuje abayobozi ba FERWAFA n’abayobozi b’amakipe ya Bugesera FC na...
18 October 2019 Yasuwe: 2420 0

Rayon Sports yasinyanye amasezerano y’imikoranire na Bank of Africa igiye...

Ubuyobozi bw’ikipe ya Rayon Sports bwasinyanye amasezerano y’imikoranire na...
18 October 2019 Yasuwe: 3207 0

Mashami Vincent yaciye amarenga y’abakinnyi 11 ashobora gukoresha ahangana...

Umutoza Mashami Vincent w’ikipe y’igihugu Amavubi n’abamwungirije basoje...
18 October 2019 Yasuwe: 2915 0

Umutoza wa Ethiopia yamenye ibanga rizamufasha gutsindira Amavubi I...

Umutoza wa Ethiopia Abraham Mebratu, yavuze ko afitiye icyizere ikipe ye...
18 October 2019 Yasuwe: 2144 0

Umukino wa El Clasico wasubitswe kubera gutinya imyigaragambyo yo mu mujyi...

Umukino ukomeye wa Barcelona na Real Madrid wari uteganyijwe kuba kuwa 26...
18 October 2019 Yasuwe: 1169 0

Uruganda rukora sima Nyarwanda rugiye gutuma inzozi z’abana bamamaye nka...

Ubuyobozi bw’uruganda rukora sima Nyarwanda rwa Cimerwa, bwatangaje ko...
18 October 2019 Yasuwe: 2166 0