Kigali

AFCON 2019: Nigeria na Misiri zakatishije itike izerekeza mu kindi kiciro,RDC ijya mu mazi abira

Imikino   Yanditswe na: Dusingizimana Remy 27 June 2019 Yasuwe: 1242

Amakipe 2 ya mbere yamaze kugera muri 1/8 cy’irangiza mu gikombe cya Afurika ni Misiri iri mu rugo na Nigeria zaraye zitsinze imikino yazo ya kabiri mu gihe ikipe ya RDC ishobora kutazabona amahirwe yo gukomeza muri 1/8 kuko isigaranye amahirwe make cyane.

Nigeria yafunguye imikino y’umunsi wa kabiri mu matsinda yatangiye ku munsi w’ejo,yatsinze ikipe ya Guinea igitego 1-0 cyatsinzwe na myugariro Kenneth Omeruo ku munota wa 73,ihita yinjira muri 1/8 cy’irangiza mu gihe Guinea isabwa kuzatsinda Uburundi kugira ngo izakomeze.

Uganda yari yatsinze RDC mu mukino wa mbere ibitego 2-0,yikuye mu nzara za Zimbabwe yari ihagaze neza banganya igitego 1-1 nubwo bose bahushije ibitego byari byabazwe.

Uganda ihagaze neza muri iki gikombe cya Afurika,niyo yafunguye amazamu ku munota wa 12 ku gitego cyatsinzwe na Emmanuel Okwi nyuma ya contre attack ikomeye bakoze.

Nyuma yo gutsindwa igitego,Zimbabwe yakinnye umupira mwiza cyane wo gusatira,biyifasha kubona igitego cyo kwishyura cyatsinzwe na Khama Billiat ku munota wa 40, nyuma y’umupira mwiza yahawe n’uwitwa Karuru.

Aya makipe yombi yahushije ibitego byari byabazwe kuko rutahizamu Knowledge Musona ku munota wa 52 ubwo yasigaranaga n’izamu ryambaye ubusa,ateye umupira ukubita igiti cy’izamu uvamo mu gihe Uganda nayo yabuze amahirwe akomeye ku munota wa 75 ubwo Patrick Kaddu yabonye umupira wenyine imbere y’izamu awutera hanze.

Mu mukino wari utegerejwe na benshi mu bakunzi ba ruhago by’umwihariko abafana ba RDC,igihugu cya Misiri cyatsinze RDC ibitego 2-0 byose byinjiye mu gice cya mbere bitsinzwe na Ahmed El Mohamady ku munota wa 25 ku mupira wari uturutse muri koloneri.Mohamed Salah niwe watsinze igitego cya kabiri cya Misiri ku munota wa 43,nyuma y’umupira mwiza yahawe na Trezeguet wacenze abakinnyi 3 ba RDC.

Nubwo RDC yari hejuru mu guhererekanya umupira yatsinzwe umukino wa kabiri ibindi bitego 2-0 nyuma y’ibyo yatsinzwe na Uganda bituma ijya mu mazi abira kuko ifite amahirwe menshi yo gusezererwa muri iki gikombe itarenze umutaru.RDC izahura na Zimbwabwe mu mukino wa nyuma mu itsinda.

Uyu munsi ikipe y’Uburundi ifite abafana benshi muri aka karere irahura na Madagascar mu mukino wa kabiri wo mu itsinda saa 16h30,Senegal irahura na Algeria saa 19h00 mu gihe Kenya na Tanzania zose ziri hasi mu irushanwa zirahura na saa 22h00.



Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Umwe mu bagore Cristiano Ronaldo yashakaga cyane kugira ngo amwiture ineza...

Umugore witwa Paula Leca ufite abana babiri yamaze gutangaza ko ari umwe...
20 September 2019 Yasuwe: 2853 0

Amavubi yahawe agahimbazamusyi kadasanzwe kugira ngo asezerere Ethiopia...

Minisiteri ya Siporo n’umuco [MINISPOC] ireberera ikipe y’igihugu Amavubi...
20 September 2019 Yasuwe: 1671 0

Ikipe ya Rayon Sports yahaye amahirwe abana bafite impano yo guconga...

Ubuyobozi bwa Rayon Sports bwahamagariye abana bafite impano yo gukina...
19 September 2019 Yasuwe: 2922 0

Umutoza wa Rayon Sports yamaze kugera mu Rwanda hatangazwa igihe azerekerwa...

Ubuyobozi bwa Rayon Sports bwamaze kubona umutoza mushya wo gusimbura...
19 September 2019 Yasuwe: 5612 1

FERWAFA yafashe umwanzuro ukomeye uzafasha cyane Amavubi

Ubuyobozi bwa FERWAFA bwamaze gufata umwanzuro w’uko guhera kuri uyu wa Kane...
19 September 2019 Yasuwe: 3943 0

Alexis Sanchez yahagaritse intambara ya Lukaku washakaga kurwana na mugenzi...

Rutahizamu Romelu Lukaku yarakajwe cyane no kuba ikipe ye nshya ya Inter...
19 September 2019 Yasuwe: 3142 0