Kigali

Ahmed Musa afashije Nigeria kwihaniza Iceland

Imikino   Yanditswe na: Dusingizimana Remy 22 June 2018 Yasuwe: 1167

Ikipe ya Nigeria itsinze Iceland ibitego 2-0 mu mukino wa kabiri wo mu itsinda D mu gikombe cy’isi, yongera kugaruka mu ruhando rwo gushaka itike yo kwerekeza mu mikino ya 1/16 cy’irangiza mu gikombe cy’isi mu Burusiya.

Nubwo Nigeria yatsinzwe na Croatia mu mukino wa mbere wo mu itsinda D ibitego 2-0,uyu munsi igaragaje ko nayo imaze kuba ubukombe mu gikombe cy’isi kuko ibashije gutsinda Iceland ibitego 2-0 byose byatsinzwe na Ahmed Musa ukinira CSKA Moscow.

Igice cya mbere cyaranzwe no kwigana kw’amakipe yombi ndetse ntihagaragayemo amahirwe menshi y’ibitego byatumye abatoza bahindura byinshi mu gice cya kabiri cyahiriye Nigeria ku buryo bukomeye.

Igice cya kabiri kigitangira ikipe ya Nigeria yahise yereka Iceland ko imenyereye igikombe cy’isi niko gufungura amazamu ku munota wa 49 w’umukino ku gitego cyatsinzwe na Ahmed Musa ku mupira mwiza yahawe na Victor Moses.

Nigeria ntiyacitse intege kuko ku munota wa 75 yatsinze igitego cya kabiri cyiza cyane cyatsinzwe na none na Ahmed wabanje gutera umupira ugakubita umutambiko hanyuma agahita yikosora ku mupira wundi yafashe agacenga ba myugariro 2 ba Iceland n’umunyezamu akaboneza umupira mu nshundura.

Iceland yahawe penaliti ku munota wa 80 nyuma y’aho rutahizamu wabo yategewe mu rubuga rw’amahina hakitabazwa bwa buryo bwa VAR umusifuzi akemeza ko ari penaliti yahushijwe na Sigurdisson.

Nigeria yahise igaruka mu ruhando rwo guhangana na Iceland ifite inota 1 inganya na Argentina ndetse irasabwa gutsinda Argentina ku mukino wa 3, hanyuma Croatia igatsinda Iceland ikabona itike ya 1/16.





Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Amagambo umutoza wa Real Madrid yavuze kuri Gareth Bale yatangaje...

Umutoza Julen Lopetegui wa Real Madrid yasingije bikomeye Gareth Bale...
15 August 2018 Yasuwe: 871 0

Sergio Ramos yandagaje Klopp wamushinje kuvuna Salah abigambiriye

Myugariro wa Real Madrid akaba na kapiteni wayo Sergio Ramos yandagaje...
15 August 2018 Yasuwe: 938 0

Benshi batewe ubwoba n’imvune y’umukinnyi wa Borussia Dortmund...

Umukinnyi witwa Dario Scuderi wagize imvune ikomeye mu mwaka wa...
14 August 2018 Yasuwe: 2267 0

Buffon yatangaje benshi kubera amagambo yavuze kuri Cristiano...

Umunyezamu Gianluigi Buffon wa PSG wahoze ari kapiteni wa Juventus mu myaka...
14 August 2018 Yasuwe: 2455 0

Aubameyang yagiriye inama ikomeye umutoza wa Arsenal Unai Emery

Rutahizamu Pierre Emerick Aubameyang ukinira ikipe ya Arsenal yagiriye...
14 August 2018 Yasuwe: 2062 0

Imbwa yagaragaye iri gutabara umwana muto wari ugiye kurohama...

Imbwa yo mu Bufaransa yitwa Matyas yakoze benshi ku mutima nyuma yo...
14 August 2018 Yasuwe: 3928 0