Kigali

AJAX iteye intambwe ikomeye ishobora kuyigeza ku mukino wa nyuma wa UEFA Champions League

Imikino   Yanditswe na: Dusingizimana Remy 30 April 2019 Yasuwe: 1920

Ikipe ya Ajax Amsterdam ikomeje gutungurana mu irushanwa rya UEFA Champions League,yasanze Tottenham ku kibuga cyayo,iyitsinda igitego 1-0 mu mukino ubanza wa ½ cy’iri rushanwa.

Ajax Amsterdam yakuyemo Real Madrid na Juventus,yongeye gushimangira ko uyu mwaka ishaka gutwara igikombe cya UEFA champions League ku nshuro yayo ya gatanu,kuko yatsindiye Tottenham iwayo igitego 1-0.

Tottenham yaje muri uyu mukino idafite abakinnyi bayo bakomeye ku busatirizi barimo Harry Kane na Heung Min Son,yatsinzwe igitego ku munota wa 15 w’umukino gitsinzwe na Donny Van de Beek inanirwa kucyishyura.

Ajax yatangiye uyu mukino iri ku rwego rwo hejuru,isatira Tottenham cyane ibifashijwemo na ba rutahizamu bayo batatu bakomeye barimo Hakim Ziyech,Dusan Tadic na David Neres.

Tottenham yari imbere y’abafana bayo yagerageje kugarira izamu ryayo cyane mu gice cya mbere byatumye umunota wa 15 w’umukino ugera Ajax igira 71 ku ijana mu guhererekanya umupira kuri 29 ya Tottenham.Igitutu Ajax yotsaga Tottenham nicyo cyayibyariye igitego ku munota wa 15.

Ku munota wa 25 w’umukino Donny Van de Beek yasigaranye n’umunyezamu Lloris wa Tottenham,ateye mu izamu arawumushota ujya muri koloneri.Ku munota wa 25 Ajax yari ifite 76 kuri 24 ya Tottenham mu guhererekanya umupira.

Ku munota wa 32 nibwo myugariro Jan Vertonghen yakubiswe inkokora iremereye ku mutwe n’umunyezamu Andre Onana wa Ajax bahuriye mu kirere,bimuviramo kuva mu kibuga asimburwa na Moussa Sissoko.Igice cya mbere cyarangiye Ajax iyoboye n’igitego 1-0.

Mu gice cya kabiri umutoza wa Ajax yasabye abakinnyi be kugabanya gusatira no kurwana kuri iki gitego bituma Tottenham ibarusha gusa ntiyashoboraga gutera mu izamu kuko ba rutahizamu bayo barimo Lucas Moura na Llorente bari hasi cyane.
Tottenham yagerageje gusatira cyane ariko ntibyayikundira kuko ubwugarizi bwa Blind na Matthijs de Ligt bwari buhagaze neza.

Ku munota wa 78,Ajax yakoze Counter attack ikomeye cyane,Dusan Tadic yinjira mu rubuga rw’amahina aha umupira David Neres wateye mu izamu ugarurwa n’igiti cy’izamu.

Tottenham yagerageje kurusha Ajax hagati mu kibuga ariko nyiyabashije kwinjiza igitego mu buryo bubiri yateye bwaganye mu izamu mu mukino wose,bungana n’ubwa Ajax yo yabubonyemo igitego 1-0 cyarangije umukino.



Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Umutoza wa APR FC yabajije ikibazo gitangaje abanyamakuru nyuma yo...

Umutoza mushya wa APR FC,Mohamed Adil yanenze imisifurire yo mu gikombe...
15 September 2019 Yasuwe: 7230 0

Hazard na Courtois bagiriye inama Zidane y’umukinnyi yagura agafasha Real...

Rutahizamu Eden Hazard n’umunyezamu Thibaut Courtois babwiye umutoza wabo...
15 September 2019 Yasuwe: 4152 0

Neymar Jr yahaye ubutumwa bukomeye abafana ba PSG bamuvugirije...

Rutahizamu Neymar Jr waraye akinnye umukino we wa mbere muri PSG muri uyu...
15 September 2019 Yasuwe: 3733 0

Kidum yiyemeje guhagarika kuririmbira mu Rwanda no mu Burundi kubera...

Umuhanzi Nimbona Jean Pierre yamaze gutangaza ko agiye guhagarika...
15 September 2019 Yasuwe: 4356 0

Umutoza watoje ikipe y’igihugu y’u Rwanda amavubi yitabye Imana

Umukambwe ukomoka mu gihugu cy’Ubudage Rudi Gutendorf, uzwiho kuba yaratoje...
15 September 2019 Yasuwe: 2599 0

CAF CC: AS Kigali yananiwe kubyaza umusaruro amahirwe yo gukinira mu...

AS Kigali ntiyabashije kwizigamira impamba yo kuzajyana I Kampala mu mukino...
14 September 2019 Yasuwe: 2434 0