Kigali

Ajax na FC Barcelona zakatishije itike yerekeza muri ½ cya UEFA Champions League

Imikino   Yanditswe na: Dusingizimana Remy 16 April 2019 Yasuwe: 1862

Ikipe ya Ajax Amsterdam ikoze ibyo benshi batakekaga isezerera Juventus ya Cristiano Ronaldo iyitsinze ibitego 2-1, mu mukino wo kwishyura, mu gihe FC Barcelona yanyagiye Manchester United ibitego 3-0.

Ajax Amsterdam itahabwaga amahirwe imbere ya Juventus,yongeye gutungura benshi nkuko yabikoze kuri Real Madrid,isezerera Juventus iyitsinze ibitego 2-1 mu mukino wabereye ku kibuga Allianz Stadium cya Juventus.

Nubwo mu mukino ubanza amakipe yombi yari yanganyije igitego 1-1,Ajax yongeye kwerekana ko hanze y’ikibuga cyayo igomba kwitonderwa kuko isanze Juventus mu rugo iyitera ibitego 2-1 ihita inayisezerera muri ¼ cy’irangiza cya UEFA Champions League.

Juventus niyo yafunguye amazamu ku munota wa 28 w’umukino, ku gitego cyatsinzwe na Cristiano Ronaldo ku mupira wari uturutse muri koloneri yatewe neza na Miralem Pjanic.

Bidatinze ku munota wa 34 Ajax yabonye igitego cyo kwishyura cyatsinzwe na Donny van de Beek ku mupira mwiza yahawe na Hakim Ziyech.

Nk’ibisanzwe Ajax yari hejuru ya Juventus ku bijyanye no kwambura umupira ndetse no kuwushaka ariyo mpamvu yarushaga Juventus ku bijyanye no kugumana umupira.

Juventus yakinnye uyu mukino idafite abakinnyi bayo b’ingenzi barimo Chiellini,Mandzukic,Cuadrado na Douglas Costa,yari ku rwego rwo hasi cyane mu kibuga hagati byatumaga Ajax ibona amahirwe menshi ikayapfusha ubusa.

Igice cyarangiye ari igitego 1-1 ku mpande zombi gusa Ajax yacaga amarenga ko ishobora kugora Juventus yatakazaga imipira cyane ndetse yaje gutakaza kapiteni wabo Paolo Dybala ku munota wa 45,asimburwa na Moise Kean.

Igice cya kabiri cyatangiye Ajax iri hejuru ndetse iri guhanahana neza umupira kurusha Juventus,byatumaga ba rutahizamu bayo barimo David Neres,Dusan Tadic na Hakim Ziyech bagora ubwugarizi bwa Juventus.

Guhera ku munota wa 50 kugeza kuwa 70 Ajax yakiniraga imbere y’izamu rya Juventus ari nako rutahizamu Ziyech ahusha ibitego byinshi byabazwe.

Juventus yakoraga amakosa menshi by’umwihariko hagati mu kibuga,yahuye n’uruva gusenya ku munota wa 67,ubwo Matthijs de Ligt yatsindaga igitego ku mutwe mwiza yateye uturutse muri koloneri yatewe neza na Lasse Schone.

Juventus yahise itakaza imbaraga,birayiyobera kuko yarushwaga umupira cyane na Ajax y’abasore bakiri bato ariko b’abahanga cyane.

Umupira Ajax yakinnye itsinda Juventus niwo yakinnye inyagira Real Madrid ibitego 4-1 mu mukino wo kwishyura wa 1/16 gusa aho bitandukaniye ni uko Juventus yo yatsinzwe ibitego bike.

Ajax yakatishije itike ya ½ cy’irangiza muri UEFA Champions League isezereye Juventus ku bitego 3-2 mu mikino yombi.Igomba gutegereza izarokoka hagati ya Manchester City na Tottenham kuri uyu wa Gatatu.

Ku rundi ruhande,FC Barcelona yari Camp Nou yanyagiye Manchester United ibitego 3-0 byiyongera kuri 1-0 yatsinze mu mukino ubanza.

Igitego cya mbere cyatsinzwe na Lionel Messi ku munota wa 16,ku mupira wari utakajwe na Ashley Young aterera umupira inyuma y’izamu De Gea ananirw kuwukuramo.

Ku munota wa 18 De Gea yahaye igitego cya kabiri Messi,kuko yamuteye agashoti gato agiye kugafata kamuca mu maboko kigira mu izamu.

Fc Barcelona yarangije akazi ku munota wa 61,ubwo Philippe Coutinho yashyiragamo igitego cya Gatatu,cyatumye FC Barcelona ikatisha itike ya ½ ku kinyuranyo cy’ibitego 4-0 mu mikino yombi,aho igomba gutegereza izarokoka hagati ya Liverpool na FC Porto.





Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Sibomana Patrick yerekeje muri Tanzania gusinyira imwe mu makipe...

Umukinnyi Sibomana Patrick uri mu bakinnyi bakina baca ku mpande b’abahanga...
26 May 2019 Yasuwe: 1253 0

Valencia nayo yasuzuguye FC Barcelona iyitwara igikombe cya Copa del...

Ikipe ya FC Barcelona iri mu bihe bibi cyane,yongeye gutenguha bikomeye...
26 May 2019 Yasuwe: 2090 0

APR FC yashenguwe no gutakaza igikombe cya Shampiyona yatsindiwe I Kigali...

Ikipe ya APR FC yaraye itwawe igikombe cya shampiyona na Rayon...
25 May 2019 Yasuwe: 5712 1

Liverpool yatunguye benshi kubera myugariro ukomeye wa Real Madrid ishaka...

Abafana ba Liverpool bacitse ururondogoro kubera ko ishaka gusinyisha...
25 May 2019 Yasuwe: 4092 0

Zamalek yashoye akayabo kenshi kugira ngo yibikeho rutahizamu Kagere...

Ikipe ya Zamalek yo mu Misiri yatangaje benshi kubera akayabo k’amamiliyoni...
25 May 2019 Yasuwe: 3610 0

Cristiano Ronaldo yashyize hanze amafoto y’imodoka nziza cyane yaguze...

Rutahizamu wa Juventus,Cristiano Ronaldo yongeye kugaragaza indi modoka...
25 May 2019 Yasuwe: 3825 0