Kigali

Akayabo Jules Ulimwengu yahawe n’abafana ba Rayon Sports muri Stade Amahoro Kamenyekanye

Imikino   Yanditswe na: Dusingizimana Remy 6 May 2019 Yasuwe: 8069

Abakunzi ba Rayon Sports baraye bishimye birenze kubera igitego Jules Ulimwengu yabatsindiye Police FC bakayobora shampiyona y’u Rwanda,bamuhamagaye nyuma y’umukino batangira kumwoherereza amafaranga bari hejuru ya Stade bituma atahana akayabo k’ibihumbi bisaga 490 FRW.

Abakunzi ba Rayon Sports bakunze gukora udushya dutandukanye,bahamagaye Jules Ulimwengu ubwo yari amaze kwinjira mu rwambariro ngo aze bamushimire,niko gutangira kumujugunyira amafaranga hasi aho yagendaga anyura azenguruka Stade.

Jules yatoraguye aya mafaranga yagwaga nk’imvura,bituma yinjiza agahimbazamusyi karuta umushahara we w’ukwezi.

Guhera mu gice cya Stade Amahoro ahazwi nko mu icyenda kugeza muri 17, Ulimwengu yahazengurutse abafana bari hejuru basuka amafaranga hasi akagenda atoragura ashyira mu rukweto ndetse no mu isengeri abakinnyi bari ku ntebe y’abasimbura baba bambaye byose biruzura.

Nkuko amakuru agera ku Umuryango abitangaza,Umurundi Jules Ulimwengu yasaruye mu bafana ba Rayon Sports akayabo k’ibihumbi 490 by’amafaranga y’u Rwanda aziyongera ku mushahara we ndetse n’agahimbazamusyi k’ikipe.

Nyuma y’umwanya munini Rayon Sports isatira Police FC ku munsi w’ejo,myugariro Irambona Eric yarenguye umupira usanga Jules Ulimwengu aho yari ahagaze mu rubuga rw’amahina,awukubita agatsinsino winjira mu izamu,ku munota wa 86 w’umukino.

Aka gatsinsino ka Ulimwengu kahinduye byinshi,kuko katumye Rayon Sports ifata umwanya wa mbere wa shampiyona by’agateganyo ikuyeho APR FC yari iwumazeho igihe kinini ndetse irahabwa amahirwe yo kwegukana iki gikombe niramuka itsinze imikino 4 isigaye.


Jules Ulimwengu yatoraguye amafaranga araruha

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Umukino wa El Clasico wasubitswe kubera gutinya imyigaragambyo yo mu mujyi...

Umukino ukomeye wa Barcelona na Real Madrid wari uteganyijwe kuba kuwa 26...
18 October 2019 Yasuwe: 464 0

Uruganda rukora sima Nyarwanda rugiye gutuma inzozi z’abana bamamaye nka...

Ubuyobozi bw’uruganda rukora sima Nyarwanda rwa Cimerwa, bwatangaje ko...
18 October 2019 Yasuwe: 811 0

Rayon Sports yemeje ubwegure bwa Visi perezida wayo Twagirayezu...

Ubuyobozi bw’ikipe ya Rayon Sports bwakiriye ndetse bunemeza ukwegura kwa...
17 October 2019 Yasuwe: 2218 0

FERWAFA yahaye igihe ntarengwa Bugesera FC cyo kwishyura abakinnyi...

Ishyirahamwe ry’umupira w’amaguru mu Rwanda ryategetse Bugesera FC kwishyura...
17 October 2019 Yasuwe: 1813 0

Lionel Messi yatangaje umwihariko Virgil Van Dijk afite utuma agora ba...

Rutahizamu wa mbere ku isi kuri ubu,Lionel Messi,yatangaje ko myugariro...
17 October 2019 Yasuwe: 2847 0

Umukinnyi wa Manchester City yateye ivi yambikira impeta umunyamakurukazi...

Umunya Ukraine Oleksandr Zinchenko ukinira ikipe ya Manchester City mu...
17 October 2019 Yasuwe: 4937 0