skol
fortebet

Alexis Sanchez yateje ikibazo gikomeye mu ikipe ya Manchester United

Yanditswe: Sunday 04, Nov 2018

Sponsored Ad

Ikipe ya Manchester United iri mu ntambara yo kugumana abakinnyi bayo bashya barimo Anthony Martial na David De Gea,yahuye n’imbogamizi ikomeye y’uko bayisabye umushahara ungana n’uwo iha umunya Chile Alexis Sanchez.

Sponsored Ad

Umushahara wa Alexis Sanchez w’ibihumbi 350 by’amapawundi ku Cyumweru wateje umwuka mubi mu ikipe ya Manchester United kuko abasore babiri Martial na De Gea bavuze ko batakongera amasezerano mu gihe badahawe nabo ibi bihumbi.

Nkuko bitangazwa n’ibinyamakuru byo mu bwongereza,buri mukino wose Sanchez agaragayemo ahabwa akayabo k’ibihumbi 75 by’amapawundi,bituma agirirwa ishyari n’abandi bakinnyi ba Manchester United kandi nta kintu gikomeye arayifasha.

Aba bakinnyi bombi bazasoza amasezerano mu mpeshyi itaha bityo Manchester United iri kurwana intambara yo kubongerera andi ndetse ngo izabagumane mu mwaka w’imikino utaha.

De Gea uhembwa ibihumbi 175 by’amapawundi ku cyumweru,arifuza ko ikipe ya Manchester United yamwongerera akagera ku bihumbi 300 mu gihe Martial uhembwa ibihumbi 70 ku Cyumweru,ashobora gukubirwa 2 umushahara.

Manchester United ifite isinzi ry’abakinnyi bagiye gusoza amasezerano barimo David de Gea, Anthony Martial, Juan Mata, Ashley Young, Antonio Valencia, Matteo Darmian, Ander Herrera, Chris Smalling, Phil Jones, Andreas Pereira.


Martial na De Gea barifuza guhabwa akayabo k’amafaranga na Manchester United

Leave a Reply

Your email address will not be published. Required fields are marked *

Who are you?

Amategeko n'amabwiriza birkurikizwa