Ikipe ya Amagaju FC ngo irashaka amanota atatu mu mukino uyihuza na Rayon Sports kuri iki cyumweru tariki ya 4 Ukuboza.
Ni mugihe ku rutondwe rwa Shampiyona rw’ gataeganyo Amagaju ari ku mwanya wa 14, naho Rayon Sports ikaba iyoboye uru rutonde itaratsindwa umukino numwe mu mikiko itandatu imaze gukina.
Kapiteni w’ikipe y’Amagaju FC, Yumba Kayite yatangaje ko bashaka kwitwara neza ku mukino urabahuza na Rayon Sports kuri iki Cyumweru, aho bawufata nk’umukino wa nyuma.
Amagaju FC arakira (...)

Sponsored Ad

Ikipe ya Amagaju FC ngo irashaka amanota atatu mu mukino uyihuza na Rayon Sports kuri iki cyumweru tariki ya 4 Ukuboza.

Ni mugihe ku rutondwe rwa Shampiyona rw’ gataeganyo Amagaju ari ku mwanya wa 14, naho Rayon Sports ikaba iyoboye uru rutonde itaratsindwa umukino numwe mu mikiko itandatu imaze gukina.

Kapiteni w’ikipe y’Amagaju FC, Yumba Kayite yatangaje ko bashaka kwitwara neza ku mukino urabahuza na Rayon Sports kuri iki Cyumweru, aho bawufata nk’umukino wa nyuma.

Amagaju FC arakira Rayon Sports mu mukino w’umunsi wa karindwi wa shampiyona y’icyiciro cya mbere mu Rwanda, Azam Rwanda Premier League, urabera kuri stade ya Nyagisenyi i Nyamagabe kuri iki Cyumweru saa 15:30.

“Turi kwitegura umukino wa Rayon Sports nk’iyindi mikino. Ahantu turi ntabwo ari heza, niyo mpamvu dushaka kuhava. Tumaze iminsi tutitwara neza, ku mukino uheruka wa Marines twagerageje kwitwara neza nk’uko twabishakaga.”

“Ubu turi kwitegura umukino ukomeye wa Rayon Sports, ariko ni umukino uri mu rugo, bivuze ko ku ruhande rw’abakinnyi dufite motivation nta kibazo, nta mvune dufite nyinshi. Icyo tugiye gukora; uyu mukino ni ukwitanga, ni uwacu kandi ni match finale, twe nta mukino tutari gufata nka finale kubera ahantu turi kandi turashaka kuhava.”-
Yumba avuga uko biteguye umukino.

Uyu mukinnyi akaba yakomeje avuga ko bo batitaye ku mubare w’ibitego babona mu mukino, ahubwo icyo bifuza ari intsinzi kuri iki Cyumweru.

’‘Ntabwo twebwe tuvuga ngo ibitego ni byo byinshi cyangwa….Icyangombwa ni uko dutwara intsinzi; cyaba kimwe, byaba 2-1, byaba 2-0 , icyo dushaka twe ni intsinzi.”

Amagaju FC yatsinze umukino wa mbere ku mukino w’umunsi wa gatandatu wa shampiyona bakina na Marines i Rubavu ku gitego 1-0 cya Hussein Tsbalala wuzuzaga ibitego bine, afite amanota ane mu gihe Rayon Sports iri ku mwanya wa mbere n’amanota 16 ndetse ntirinjizwa igitego mu gihe yo yinjije ibitego 10 mu mikino itandatu, ibi birimo bitanu bya Kwizera Pierrot na bitatu bya Nahimana Shassir.

Amagaju akaba atarabashije gutsinda Rayon Sports mu mikino ine iheruka guhuza amakipe yombi (0-2: Agaciro Tournament, 0-2: shampiyona , 6-0: Shampiyona na 1-3 mu mukino wa gicuti wabaye mbere y’uko uyu mwaka w’mikino utangira).