Kigali

Amagaju FC atsinze Rayon Sports atuma amahirwe yayo yo gutwara igikombe cya shampiyona ayoyoka

Imikino   Yanditswe na: Dusingizimana Remy 5 June 2018 Yasuwe: 2484

Amagaju FC yaherukaga gutsindirwa I Kigali na APR FC ibitego 6-0,atsinze Rayon Sports ibitego 2-1,ayibuza amahirwe yo gukomeza urugamba rwo guhatanira igikombe cya shampiyona y’uyu mwaka.

Ikipe y’Amagaju yakubiwe inshuro 4 agahimbazamusyi yahabwaga mbere y’uyu mukino,yatunguye Rayon Sports iyitsinda ibitego 2 mu minota ya mbere y’umukino, urangiraiyitsinze, byatumye abafana bakomera umutoza Ivan Minnaert.

Ku munota wa 27 nibwo ikipe y’Amagaju FC yafunguye amazamu ku gitego cyatsinzwe na Baba Yahaya Mustapha ku mupira mwiza yahawe na Ndizeye Innocent.

Ikipe ya Rayon Sports yongeye gukora amakosa imbere y’izamu ryayo, Munezero Dieudonne atsindira Amagaju FC igitego cya 2 cyashyize iyi kipe ifite abafana benshi mu Rwanda mu mazi abira.

Rayon Sports yasaga n’idasobanukiwe ibiri kuyibaho ,yagerageje gusatira ndetse no gukora uburyo bw’igitego biza kuyihira ku munota wa 45 ubwo Manishimwe Djabel yinjizaga igitego ku mutwe ku mupira yahawe na Tchabalala.

Ubwo amakipe yajyaga mu rwambariro,abafana ba Rayon Sports bakomereye umutoza Ivan Minnaert ndetse bamugaragariza ko batamwishimiye kubera umwuka mubi yazanye mu bakinnyi watumye abakinnyi nka Muhire Kevin,Nahimana Shassir n’abandi batagaragara ku kibuga.

Mu gice cya kabiri Rayon Sports yagerageje gusatira biba iby’ubusa nubwo yagerageje kwinjiza mu kibuga rutahizamu Diarra utagize icyo amarira iyi kipe,kugeza umukino urangiye batsinzwe.

Rayon Sports igumye ku mwanya wa 3 n’amanota 44,itakaza amahirwe yo gukurikira APR FC ya mbere ku rutonde n’amanota 50 ndetse na AS Kigali ya kabiri n’amanota 48,kuko yari icungiye ku birarane byayo,ititwayemo neza.
Abakinnyi babanje mu kibuga:

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


  • chat_bubble lshimwe Jean Dedieu

    Tuzize ubuyobozi bubi kbs

    2 months ago
  • chat_bubble lshimwe Jean Dedieu

    Tuzize ubuyobozi bubi kbs

    2 months ago

Inzindi nkuru

Antoine Griezmann yatunguye benshi kubera ibyo yakoreye Sergio Ramos...

Rutahizamu Antoine Griezmann w’ikipe ya Atletico Madrid yatunguye benshi...
16 August 2018 Yasuwe: 3279 0

Jose Mourinho yabwiye amagambo akomeye Paul Pogba

Umubano wa Jose Mourinho na Paul Pogba wongeye kuzamo agatotsi nyuma y’aho...
16 August 2018 Yasuwe: 2560 0

Mashami Vincent yagizwe umutoza mukuru w’Amavubi

Umutoza Mashami Vincent wari usanzwe ari umutoza wungirije mu Mavubi...
16 August 2018 Yasuwe: 1293 0

Pep Guardiola yatangaje ikintu cyamugoye kuva yagera mu Bwongereza

Umutoza w’ikipe ya Manchester City yatangaje ko ikintu cyamugoye kurusha...
16 August 2018 Yasuwe: 1269 0

Atletico Madrid yandagaje Real Madrid iyitwara igikombe cya Super...

Atletico Madrid yeretse Real Madrid ko izakumbura Cristiano Ronaldo na...
16 August 2018 Yasuwe: 1975 0

Manzi Thierry yabwiye amagambo akomeye abafana ba Rayon Sports bacitse...

Kapiteni wa Rayon Sports Manzi Thierry yabwiye abanyamakuru ko gutsindwa na...
15 August 2018 Yasuwe: 2898 0