• Uwahoze ari nyirabukwe wa Ndikumana Hamad yashenguwe n’urupfu rwe
• Mama wa Irene Uwoya yatangaje ko yababajwe n’uko Katauti yapfuye batavuganye
• Mama wa Irene Uwoya yari afite icyezere ko umukobwa we azasubirana na Katauti

Sponsored Ad

Umubyeyi wa Irene Pancras Uwoya wahoze ari umugore wa Ndikumana Hamad Katauti yatangaje ko yakundaga Ndikumana Hamad ndetse ko yahoranaga icyizere cy’uko umunsi umwe aba bombi bazasubirana aho yatangaje ko ababajwe ni uko yapfuye batavuganye.

Amagambo Mama wa Irene Uwoya yatangaje agaragaza ko uyu mugabo wari umutoza wungirije mu ikipe ya Rayon Sports yari umutoni mu maso ye ndetse yari akunzwe cyane kwa nyirabukwe nubwo Irene Uwoya we yari yaramaze gusimbuza katauti umuraperi witwa Dogo Janja.

Yagize ati “Kugeza uyu munsi nari mfite icyizere cy’uko bazasubirana (Oprah na Katauti).Icyambabaje ni uko umugoroba wabanjirije umunsi apfa, naramuhamagaye ntiyitaba, ndavuga nti buriya ari muri ya myitozo yabo. Nahise mpamagara umubyeyi mugenzi wange (Mama wa Katauti),mwoherereza ubutumwa bugufi musaba ngo tuvugane. Gusa nshimira Hamad ko yansezeranyije ko nzamubera umubyeyi kugeza apfuye."


Ndikumana Hamad wapfuye kuwa Gatatu taliki ya 15 Ugushyingo 2017 afite imyaka 39,yashakanye na Irene Uwoya taliki ya 11 Nyakanga 200 mu birori by’akataboneka byabereye kuri Hoteli ya Giraffe View, iherereye i Mbezi Kawe, mu Mujyi wa Dar es Salaam aho bamaze imyaka 8 babana.