Kigali

Amahirwe yo kwerekeza muri ¼ aciye Amavubi mu myanya y’intoki

Imikino   Yanditswe na: Dusingizimana Remy 24 January 2018 Yasuwe: 796

Iminota 4 y’inyongera niyo ibujije Amavubi amahirwe yo kwerekeza muri ¼ cy’irangiza mu mikino ya CHAN,nyuma y’aho umusore witwa Elmutasem Abushnaf aboneye Libya igitego ku munota wa 2 w’inyongera cyane ko iminota 90 y’umukino yari yarangiye ari 0-0.

Amavubi yaranzwe no kugarira bikomeye kuva umukino utangiye,abuze amahirwe yo kwerekeza mu mikino ya ¼ ku munota wa nyuma kuko abakinnyi bitanze cyane ndetse bagenda bagira amahirwe Libya ntibabasha kubyaza umusaruro.

Mu minota 10 ya nyuma,nibwo ikipe ya Libya yokeje igitutu cyane Amavubi ndetse igenda ihusha uburyo bukomeye nk’ aho ku munota wa 84 bahushije igitego ku mupira wari uvuye muri koluneri maze umukinnyi wa Libya ashyiraho ikirenge ugarurwa n’igiti cy’izamu.

Amavubi ntiyigeze abona uburyo bukanganye kuko mu mukino wabonaga intego yayo ari ugushaka inota rimwe,babuze ku munota wa nyuma.

Ikipe ya Nigeria yatsinze Equatorial Guinea ibitego 3-1,ihita ikatisha itike yo kwerekeza mu mikino ya kimwe cya kane iyoboye itsinda C n’amanota 7,aho ikurikiwe na Libya n’amanota 6 mu gihe u Rwanda rutahanye amanota 4.

Uko amakipe akurikiranye mu itsinda C ry’Amavubi

Abakinnyi babanje mu kibuga ku ruhande rw’u Rwanda:
Ndayishimiye Eric Bakame (C),Iradukunda Eric Radu,Rutanga Eric,Faustin Usengimana,Kayumba Sother,Manzi Thierry,Ally Niyonzima,Yannick Mukunzi,Djihad Bizimana,Savio Nshuti,Manishimwe Djabel.

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


  • chat_bubble Karani

    Mu buzima gutsindwa ni ibisanzwe, iyo bitabaye bimwe bya wa mwana murizi. Abanyamakuru tubeshyerwa kuba ba Bangamwabo ariko ndababwiza ukuri ko ntako natwe abanyamakuru tutari twagize ngo dushyigikire ikipe yacu. Gutsindwa kw’ Amavubi birambabaje si ibanga.

    24 January

Inzindi nkuru

Xavi yandagaje Mourinho kubera imikinire ye yo kugarira cyane

Umunyabigwi Xavi Hernandez wahoze akinira FC Barcelona,yavuze ko umutoza...
23 October 2018 Yasuwe: 833 0

Masudi Djuma yavuze ikintu kizamufasha guhangamura Rayon Sports na APR...

Umutoza mushya wa AS Kigali,Masudi Djuma yavuze ko ikintu gituma APR FC na...
23 October 2018 Yasuwe: 1667 0

Perezida Kagame yashimiye Arsenal ku munsi we w’amavuko

Perezida wa Repubulika y’U Rwanda wizihije isabukuru y’imyaka 61 uyu...
23 October 2018 Yasuwe: 1042 0

Cristiano Ronaldo yagaragaye yambaye isaha ihenze cyane mu kiganiro...

Umukinnyi wa Juventus Cristiano Ronaldo yagaragaye mu kiganiro...
23 October 2018 Yasuwe: 2171 0

Cristiano Ronaldo yashashe inzobe ku birego ashinjwa byo gufata ku ngufu...

Rutahizamu Cristiano Ronaldo wa Juventus yatangarije abanyamakuru ku nshuro...
23 October 2018 Yasuwe: 1543 0

Jose Mourinho yahaye igisubizo abavuze ko agiye kwerekeza mu ikipe ya Real...

Umutoza wa Manchester United,Jose Mourinho yatangaje ko nta gahunda afite...
23 October 2018 Yasuwe: 1031 0