Kigali

Amavubi anganyije na Guinea mu mukino yahushijemo ibitego byinshi

Imikino   Yanditswe na: Dusingizimana Remy 16 October 2018 Yasuwe: 1408

Amavubi abuze gato ngo abone amanota 3 ya mbere mu mikino yo gushaka itike yo kwerekeza muri CAN 2019 izabera muri Cameroon,kuko inganyije igitego 1-1 na Guinea mu mukino Kagere Meddie yahushijemo igitego cyari cyabazwe ,ku munota wa nyuma.

Nubwo Mashami yari yakoze impinduka nyinshi mu ikipe yabanje muri uyu mukino wa 4 wo mu itsinda H,abakinnyi b’Amavubi bagaragaje ko bakomeye ahubwo Babura imikino myinshi yatuma bamenyerana kuko bihariye umupira kuva utangiye kugera urangiye gusa banyuzagamo bagakora udukosa duto duto.

Abakinnyi babanje mu kibuga ku mpande zombi

Amavubi yatangiye umupira ari ku rwego rwo hejuru ndetse ahererekanya cyane yaje gutsindwa igitego ku munota wa 33 gitsinzwe na Martinez Jose Kante ku burangare bwa myugariro Ombolenga Fitina watinye kwataka umusore Kamano wa Guinea agatanga umupira mwiza mu rubuga rw’amahina.

Amavubi yahise asatira izamu rya Guinea maze ku munota wa 36 Kagere Meddie asigarana n’umunyezamu ,amurobye umupira uca ku ruhande gatoya.
Amavubi yakomeje gusatira ndetse arangiza igice cya mbere Arusha Guinea guhererekanya umupira nubwo yari iyoboye umukino n’igitego 1-0.

Guinea yavunikishije Naby Keita,igice cya mbere kigiye kurangira,yatangiye igice cya kabiri iri ku rwego rwo hasi ndetse Amavubi ari kuyirusha by’umwihariko Muhire Kevin witwaye neza cyane muri uyu mukino.

Ku munota wa 78,Kagere yazamukanye umupira awuhereza neza rutahizamu Tuyisenge Jacques,wateye ishoti rikomeye umunyezamu Keita ntiyabasha kuri kuramo,biba bibaye igitego 1-1.

Guinea yagiye igerageza kwiba umugono Amavubi mu minota ya nyuma ntibiyikundire kuko Manzi na Rwatubyaye bari bahagaze neza ndetse badashaka kongera gutsindwa.

Ku munota wa nyuma muri 4 yari yongeyeweho,myugariro wa Guinea yashatse kurenza umupira wari utewe imbere n’umunyezamu Kimenyi arawuhusha,Kagere Meddie asigarana n’umunyezamu Keita aramuroba umupira uragenda ukubita igiti cy’izamu,Amavubi abura amahirwe yo kubona amanota 3 yayo ya mbere,mu itsinda H.

Kunganya kw’Amavubi gutumya amahirwe make yari asigaranye yo kwerekeza muri CAN ayoyoka burundu kuko yasabwaga gutsinda imikino 3,agategereza ko Guinea na Cote d’Ivoire zitakaza.

Amavubi agize inota rimwe mu mikino 4 amaze gukina mu gushaka itike y’igikombe cy’Afurika,agomba kwakira CAR yanganyije na Cote d’Ivoire 0-0, mu mukino uzakurikiraho.

Guinea yizeye itike ya CAN 2019, ifite amanota icumi ku mwanya wa mbere,Côte d’Ivoire ifite amanota 7 ku mwanya wa kabiri mu gihe Centrafrique ifite amanota 4 imbere y’u Rwanda rwa nyuma mu itsinda n’inota 1.

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Rwatubyaye yafashe indege imwerekeza muri Macedonia mu igeragezwa...

Myugariro Rwatubyaye Abdul yamaze gufata indege imwerekeza mu gihugu cya...
17 January 2019 Yasuwe: 1636 0

Rwatubyaye nawe yiyongereye ku rutonde rw’abakinnyi bagiye kuva muri Rayon...

Myugariro Rwatubyaye Abdul yamaze kubona ikipe muri Macedonia yitwa FC...
17 January 2019 Yasuwe: 2028 0

FC Barcelona yasekeje benshi kubera rutahizamu yatangaje ko...

Ikipe ya FC Barcelona yakoze agashya itangaza ko yifuza rutahizamu wa...
17 January 2019 Yasuwe: 2513 0

Chelsea yamaze kubona rutahizamu mushya wo kuyifasha guhangamura...

Ikipe ya Chelsea yamaze kumvikana na Juventus kugira ngo ibatize amezi 6...
17 January 2019 Yasuwe: 2523 0

Real Madrid yagaragarije urwango rukomeye Cristiano Ronaldo

Ikipe ya Real madrid yo muri Espagne yagaragaje ko itacyitaye kuri...
16 January 2019 Yasuwe: 3085 0

Umukinnyi Serge Aurier yatawe muri yombi azira gukubita umugore...

Myugariro w’ikipe ya Tottenham Serge Aurier yatawe muri yombi mbere...
16 January 2019 Yasuwe: 1821 0