Ikipe y’igihugu Amavubi irerekeza muri Tuniziya uyu munsi mu mwiherero w’iminsi 10 wo kwitegura imikino ya CHAN 2017 izabera muri Maroc kuva taliki ya 12 Mutarama kugeza ku ya 04 Gashyantare 2018.
Amavubi arahaguruka I Kanombe kuri uyu wa Mbere taliki ya 01 Mutarama 2018 ahagana saa kumi n’imwe aho agiye muri Tuniziya gukina imikino 2 ya gicuti irimo uwa Sudan ndetse n’uwa Algeria.
Amavubi ari mu itsinda C hamwe na Libya,Guinea Equatoriale na Nigeria ndetse umukino wa mbere azahura na Nigeria (...)

Sponsored Ad

Ikipe y’igihugu Amavubi irerekeza muri Tuniziya uyu munsi mu mwiherero w’iminsi 10 wo kwitegura imikino ya CHAN 2017 izabera muri Maroc kuva taliki ya 12 Mutarama kugeza ku ya 04 Gashyantare 2018.

Amavubi arahaguruka I Kanombe kuri uyu wa Mbere taliki ya 01 Mutarama 2018 ahagana saa kumi n’imwe aho agiye muri Tuniziya gukina imikino 2 ya gicuti irimo uwa Sudan ndetse n’uwa Algeria.

Amavubi ari mu itsinda C hamwe na Libya,Guinea Equatoriale na Nigeria ndetse umukino wa mbere azahura na Nigeria taliki 15 Mutarama saa tatu n’igice z’ijoro.
Umukino wa 2 Amavubi azahura na Equatorial Guinea saa tatu n’igice ku I taliki ya 19 Mutarama 2018 mu gihe umukino wa nyuma mu matsinda,Amavubi azahura na Libya taliki ya 23 Mutarama 2018 saa tatu zuzuye.

Abakinnyi 23 Amavubi azakoresha mu mikino ya CHAN 2018
Abanyezamu: Kimenyi Yves (APR FC), Nzarora Marcel (Police FC) and Eric Ndayishimiye (Rayon Sports FC).

Ba myugariro: Rugwiro Herve (APR FC), Omborenga Fitina (APR FC), Celestin Ndayishimiye (Police FC), Manzi Thierry (Rayon Sports), Usengimana Faustin (Rayon Sports), Rutanga Eric (Rayon Sports), Kayumba Soter (AS Kigali), Iradukunda Eric (AS Kigali) na Mbogo Ally (SC Kiyovu).

Abo hagati: Bizimana Djihad (APR FC), Hakizimana Muhadjiri (APR FC), Nshimiyimana Amran (APR FC), Mukunzi Yannick (Rayon Sports), Manishimwe Djabel (Rayon Sports), na Niyonzima Ally (AS Kigali).

Abataha izamu: Mubumbyi Bernabe (Bugesera FC), Savio Nshuti Dominique (AS Kigali FC), Mico Justin (Police FC), Biramahire Abeddy (Police FC) na Nshuti Innocent (APR FC).

Dusingizimana Remy