Kigali

Amavubi y’abagore atangiye atsinda muri CECAFA

Imikino   Yanditswe na: Dusingizimana Remy 19 July 2018 Yasuwe: 1245

Ikipe y’igihugu y’abagore yatangiye neza imikino ya CECAFA iri kubera mu Rwanda kuko itsinze Tanzania igitego 1-0 mu mukino wabereye kuri stade ya Kigali I Nyamirambo.

Igitego cya Kalimba Alice ku munota wa 33 nicyo gifashije Amavubi y’abagore gutsinda umukino wayo wa mbere Tanzania yatwaye iki gikombe ubwo giheruka gukinirwa muri Uganda muri 2016.

Aba bakobwa bacecekesheje benshi mu babanenze ko badashoboye,kuko nyuma y’igihe bifuza kongera gukina babyitwayemo neza batsinda Tanzania.

Kalimba Alice watsinze igitego ntabwo yari yabanje mu kibuga yinjiye asimbuye Uwimbabazi Immaculee ku munota wa 24 ,ntiyatenguha umutoza we Kayiranga Baptista ndetse ahesha u Rwanda intsinzi mu rugo.

CECAFA y’uyu mwaka igomba kumara icyumweru aho, yitabiriwe n’amakipe arimo Ethiopia,Uganda,Kenya,Tanzania n’u Rwanda.

Amavubi azakurikizaho Ethiopia ku wa 23 Nyakanga, Uganda ku wa 25 Nyakanga mu gihe Kenya ariyo bazasorezaho ku wa 27 Nyakanga.

Mu mukino wabanjirije uyu, ikipe ya Uganda yatsinze Kenya igitego 1-0 bituma inganya n’U Rwanda amanota kugeza ubu.

Abakinnyi babanje mu kibuga ku mpande zombi:
RWANDA:
Nyirabashyitsi Judith, Nibagwire Sifa Gloria (C), Mukantaganira Joselyne, Nyiransabera Miliam, Mukamana Clementine, Umulisa Edith, Uwimbabazi Immaculee, Umwariwase Dudja, Ibangarye Anne Marie, Mukeshimana Jeannette, Uwamahoro Beatrice.

TANZANIA: Fatuma Omari, Asha Rashid (c), Wema Richard, Maimu Hamisi, Enekia Kasonga, Fatuma Issa, Happyness Herzon, Mwanahamisi Omary, Donisia Daniel, Fatuma Mustafa na Amina Ally

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Rayon Sports yatomboye AS Kigali mu gihe APR FC ishobora kuzoroherwa...

Kuri uyu wa Gatatu taliki ya 22 Gicurasi 2019,nibwo amakipe yabashije...
22 May 2019 Yasuwe: 941 0

Gasimba ararira ayo kwarika nyuma y’uko APR FC itsinzwe na Muhanga FC...

Umugabo witwa Harerimana Emmanuel uzwi ku izina rya Gasimba wo mu Mujyi wa...
22 May 2019 Yasuwe: 2367 1

Leta ya Washington muri US yemeye gukoresha imirambo nk’ifumbire

Leta ya Washington yabaye iya mbere mu zigize Leta Zunze Ubumwe z’Amerika...
22 May 2019 Yasuwe: 1139 0

Umugore w’umunyezamu Casillas nawe yatangaje ko arwaye indwara...

Ibyago bikomeje kwiyongera mu muryango wa Casillas kuko nyuma y’aho avuye mu...
22 May 2019 Yasuwe: 1825 0

Haruna Niyonzima yakoze amateka atarakorwa n’undi mukinnyi muri...

Umukinnyi Haruna Niyonzima w’ikipe ya Simba SC yaraye ayifashije gutwara...
22 May 2019 Yasuwe: 2449 1

Cristiano Ronaldo yatunguye benshi kubera umutoza yifuza ko yahabwa akazi...

Rutahizamu Cristiano Ronaldo uri mu bazagira uruhare runini mu gushyiraho...
21 May 2019 Yasuwe: 3715 0