• Amavubi yisanze mu itsinda ry’urupfu mu mikino ya CHAN
• Amavubi ari mu itsinda rimwe na Nigeria,Guinea Equatorial na Libya
• Amavubi azakina umukino wa mbere taliki ya 15 Mutarama 2017

Sponsored Ad

Ikipe y’igihugu Amavubi mu mikino ya CHAN 2018 yisanze mu itsinda C . Iri tsinda ririmo amakipe akomeye ariyo kumwe na Nigeria,Libya na Equatorial Guinea.

AMAVUBI yabonye itike yo kwerekeza mu mikino ya CHAN 2018 nyuma y’amahirwe ya kabiri yahawe bitewe n’uko nyuma yo gusezererwa na Uganda mu majonjora Kenya yagombaga kwakira iyi mikino yarayambuwe kubera imitegurire bityo CAF ishaka igihugu cya 16 kigomba kwerekeza muri iyi mikino babwiye Misiri yanga kwitabira birangira U Rwanda na Ethiopia bakinnye umukino wa kamarampaka wahiriye Amavubi kuko yatsinze ibitego 3-2 mu mikino yombi.

Uko amatsinda ahagaze


CHAN ya 2018 izabera muri Maroc kuva tariki ya 13 Mutarama kugeza kuya 4 Gashyantare 2018 ntizaba irimo ibihugu nka Congo Kinshasa yatwaye iri rushanwa inshuro ebyiri (2009 na 2016) ndetse na Tunisia ifite igikombe cyo mu 2011.

Amavubi azakina umukino wa mbere wo mu itsinda ahura na Nigeria tariki ya 15 Mutarama, agaruke mu kibuga tariki ya 19 ahura na Equatorial Guinea mu gihe azasoreza imikino yo mu itsinda C kuri Libya bazahura tariki ya 23 Mutarama 2018.