Kigali

Amavubi yananiwe gutsindira Repubulika iharanira demokarasi ya Kongo i Rubavu

Imikino   Yanditswe na: Dusingizimana Remy 14 November 2018 Yasuwe: 1762

Mu mukino ubanza wo gushaka itike yo kwerekeza mu gikombe cy’Afurika cy’abatarengeje imyaka 23,Amavubi anganyije na RD Congo ubusa ku busa mu mukino wabereye I Rubavu.

Amavubi yari yakiriye Congo muri uyu mukino ubanza,yananiwe kwibikira impamba yo kuzabafasha I Kinshasa,kuko amakipe yombi yanganyije 0-0 mu mukino RDC yayoboye cyane.

Abakinnyi b’Amavubi babanje mu kibuga

Igice cya mbere u Rwanda rwaruhijwe na RDC gusa ntiyabasha gukoresha neza amahirwe yabonye cyane ko hari ubwo ba rutahizamu bayo basigaranye n’umunyezamu Fiacre ntibatera mu izamu.

Amavubi yatangiye igice cya kabiri ari ku rwego rwo hejuru ndetse ahererekanya umupira neza bituma abakinnyi ba RD Congo basubira inyuma,bajya kurinda izamu ryabo.

Nshuti Dominique Savio yaboneye igitego Amavubi ku munota wa 65 ariko umusifuzi avuga ko uyu rutahizamu usanzwe akinira APR FC yagitsinze yaraririye.

Repubulika iharanira demokarasi ya Kongo yongeye kwigaranzura Amavubi guhera ku munota wa 70,isatira izamu ry’u Rwanda karahava gusa ba myugariro barimo Mutsinzi Ange,Nsabimana Aimable na Buregeya Prince babyitwaramo neza.

Kongo yakomeje gusatira Amavubi mu minota 10 ya nyuma nayo ibona igitego ariko umusifuzi aracyanga kubera ko rutahizamu w’iki gihugu yatsindishije ukuboko.

Byashobokaga ko muri iyi minota 10 RD Congo yari kubona igitego,ariko ntibyayikundiye kuko yahushije ibitego byinshi Amavubi.

Mu guhererekanya umupira Kongo yari hejuru ndetse niyo yabonye uburyo bwinshi bwo kubona igitego ariko ntibyayikundira,byatumye abanyarwanda benshi bemeza ko Amavubi afite akazi gakomeye mu mukino wo kwishyura uteganyijwe ku wa Kabiri w’icyumweru gitaha I Kinshasa.

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Radamel Falcao yihanije abafana bakomeje kwibasira Messi nyuma yo gutsindwa...

Radamel Falcao usanzwe ari kapitani w’ikipe y’igihugu ya Colombia, yarengeye...
17 June 2019 Yasuwe: 1108 0

Rayon Sports yamaze gusezerera Niyonzima Olivier Sefu na Manzi...

Ubuyobozi bwa Rayon Sports bumaze gushyira hanze amabaruwa yemeza ko...
17 June 2019 Yasuwe: 3207 0

TP Mazembe yongeye gutumirwa muri CECAFA I Kigali nyuma y’amahano iheruka...

Ikipe ya TP Mazembe iheruka gukorera amahano I Kigali muri 2010 ubwo...
17 June 2019 Yasuwe: 1862 1

Manzi Thierry yavuze byinshi ku kibazo cy’agahimbazamusyi katumye banga...

Kapiteni wa Rayon Sports,Manzi Thierry yemeje ko we na bagenzi be banze...
17 June 2019 Yasuwe: 3385 2

Umuherwe w’ikipe ya Paris Saint Germain mu buryo butunguranye yashyize ku...

Umuherwe w’ikipe ya Paris Saint Germain Umunya-Qatar Nasser Al-Khelaifi,...
17 June 2019 Yasuwe: 2641 0

Paul Pogba yarakariwe n’abafana ba Manchester United kubera ibyo...

Umukinnyi wa Manchester United Paul Pogba,yatumye benshi mu bakunzi bayo...
17 June 2019 Yasuwe: 2282 0