Ikipe y’igihugu Amavubi yisanze mu itsinda rya F hamwe na Cameroun, u Rwanda Cap Vert na Mozambique mu gushaka itike y’igikombe cya Afurika 2021 kizabera muri Cameroon.

Sponsored Ad

Amavubi aheruka muri CAN 2004,yisanze hamwe n’amakipe tarabashije kwitabira irushanwa ry’uyu mwaka ariyo mpamvu asabwa kuza ku mwanya wa mbere cyangwa uwa kabiri kugira ngo abone itike.

Muri iri tsinda F hazazamuka ikipe imw, kuko Cameroun ifite itike yahawe no kuba izakira iki gikombe mu gihe andi matsinda azatanga amakipe abiri kugira ngo yuzure 24 akina AFCON 2021.Ibi bivuze ko mu gihe Cameroon itaza muri 2 ya mbere mu itsinda,hazamuka iya mbere iya kabiri igasigara.

Imikino y’umunsi wa mbere n’uwa kabiri mu itsinda izakinwa hagati ya tariki ya 11 n’iya 19 Ugushyingo uyu mwaka.

Iy’umunsi wa gatatu n’uwa kane izakinwa hagati ya tariki ya 31 Kanama n’iya 8 Nzeli 2020.

Umunsi wa gatanu uzakinwa hagati ya tariki ya 2 n’iya 13 Ukwakira 2020 mu gihe uwa nyuma uzakinwa hagati ya tariki ya 9 n’iya 17 Ugushyingo 2020.

U Rwanda rwaherukaga guhura na Cameroun mu gushaka itike ya CAN mu 2006, aho rwatsindiwe i Kigali ibitego 3-0 mu mukino ubanza n’ibitego 2-1 mu mukino wo kwishyura wabereye i Yaoundé.

Kugira ngo Amavubi abashe kujya muri AFCON 2019,arasabwa nibura gutsinda imikino yose yo mu rugo hanyuma agashaka amanota make hanze.

Uko amatsinda yo gushaka itike ya AFCON 2021 apanze:

Itsinda A : Mali, Guinée, Namibie, izakomeza hagati ya (Liberia vs Tchad).
Itsinda B : Burkina Faso, Uganda, Malawi, izakomeza hahati ya (Sudan y’Epfo vs Seychelles).
Itsinda C : Ghana, Afurika y’Epfo, Sudani, izakomeza hagati (Ibirwa bya Maurice vs Sao Tomé-et-Principe).
Itsinda D : RD Congo, Gabon, Angola, izakomeza hagati ya (Djibouti Vs Gambie).
Itsinda E : Maroc, Mauritanie, Afrique Centrale, U Burundi.
Itsinda F : Cameroun, Cap Vert, Mozambique, U Rwanda.
Itsinda G : Misiri, Kenya, Togo, Comores.
Itsinda H : Algérie, Zambie, Zimbabwe, Botswana.
Itsinda I : Sénégal, Congo, Guinée-Bissau, Eswatini.
Itsinda J : Tunisie, Libye, Tanzanie, Guinée Equatoriale.
Itsinda K : Côte d’Ivoire, Niger, Madagascar , Ethiopie.
Itsinda L : Nigeria, Bénin, Sierra Leone, Lesotho.