Umutoza w’ikipe ya Chelsea yatutse Jose Mourinho wa Manchester United ko ari akagabo gato kavuga katabanje gutekereza nyuma y’amagambo yamuvuzeho mbere y’umukino wahuje Manchester United na Derby County. Antonio Conte yababajwe n’amagambo yavuzwe na Mourinho ubwo yavugaga ko we atazigera agurisha imikino (Match Fixing) nkuko byagendekeye Conte ubwo yari mu ikipe ya Juventus ndetse ko we atirirwa yiruka ku murongo w’ikibuga atanga amabwiriza ku bakinnyi nkaho nta cyizere abafitiye.
Nyuma (...)

Sponsored Ad

Umutoza w’ikipe ya Chelsea yatutse Jose Mourinho wa Manchester United ko ari akagabo gato kavuga katabanje gutekereza nyuma y’amagambo yamuvuzeho mbere y’umukino wahuje Manchester United na Derby County.

Antonio Conte yababajwe n’amagambo yavuzwe na Mourinho ubwo yavugaga ko we atazigera agurisha imikino (Match Fixing) nkuko byagendekeye Conte ubwo yari mu ikipe ya Juventus ndetse ko we atirirwa yiruka ku murongo w’ikibuga atanga amabwiriza ku bakinnyi nkaho nta cyizere abafitiye.

Nyuma y’umukino wa Chelsea yanganyije na Norwich City 0-0,Conte yabwiye abanyamakuru ko Mourinho atazi neza ibyamubayeho, kuko nyuma yo gushinjwa ibyo kugurisha imikino yaburanye urukiko rugasanga ari umwere ndetse ko ntacyo ari cyo muri iki gihe no mu gihe kizaza.

Yagize ati “Ukuri ni uko nahaniwe ko ntatanze amakuru ku gihe ku bijyanye no kugurisha imikino kandi nagizwe umwere n’urukiko.Mbere yo gusebya umuntu wakagombye kumenya amakuru neza.Mourinho ni akagabo gato katabanza kumenya amakuru.Ndamuzi neza mu myaka ishize yari umuntu uciriritse kandi azahora aciriritse.Muramuzi mwese ko urwego rwe ruri hasi,icyo namusaba ni ukujya atekereza mbere yo kuvuga.”

Mbere y’uko Mourinho avuga kuri Conte ko aba ameze nk’umunyarwenya iyo ari gutoza,Conte yavuze ko Mourinho arwaye indwara ya Dementia ituma yibagirwa ibyo yakoze, ikunze kuzahaza abageze mu za bukuru.

Ubushyamirane bw’aba batoza bombi bukomeje gufata indi ntera nubwo bahuriye ku gutoza Chelsea no gutoza amakipe akomeye yo muri shampiyona y’u Butaliyani Serie A ndetse buzakomeza umukino uzahuza aya makipe yombi taliki ya 25 Gashyantare uyu mwaka.