Nubwo yari imaze iminsi iri mu bibazo by’ingutu ndetse abakinnyi bayo bakaba bari bamaze iminsi badakora imyitozo,Miroplast ihagamye APR FC yashakaga gufata umwanya wa kabiri ku rutonde rw’agateganyo rwa shampiyona banganya 0-0. APR FC ntako itagize ngo ibone igitego ariko Miroplast iyibera ibamba
Mu mukino w’umunsi wa 12 wa shampiyona y’u Rwanda “AZAM Rwanda premier League”,ikipe ya Miroplast ihagamye APR FC yari imaze iminsi mu byishimo byo gutsinda mukeba wayo Rayon Sports igitego (...)

Sponsored Ad

Nubwo yari imaze iminsi iri mu bibazo by’ingutu ndetse abakinnyi bayo bakaba bari bamaze iminsi badakora imyitozo,Miroplast ihagamye APR FC yashakaga gufata umwanya wa kabiri ku rutonde rw’agateganyo rwa shampiyona banganya 0-0.

APR FC ntako itagize ngo ibone igitego ariko Miroplast iyibera ibamba

Mu mukino w’umunsi wa 12 wa shampiyona y’u Rwanda “AZAM Rwanda premier League”,ikipe ya Miroplast ihagamye APR FC yari imaze iminsi mu byishimo byo gutsinda mukeba wayo Rayon Sports igitego 1-0,banganya 0-0 mu mukino waberaga kuri stade ya Kigali I Nyamirambo.

Mbere y’umukino byavugwaga ko ikipe ya Miroplast ishobora kutagera ku kibuga kubera ko abakinnyi bayo baherutse gutangaza ko batazongera gukinira iyi kipe niba itarabahemba,gusa byarangiye ikinnye ndetse ibasha guhagarika iyi kipe y’ingabo z’igihugu yari mu bihe byiza.

Igice cya mbere cyaranzwe no gusatira kwa APR FC,yabonye uburyo bwinshi imbere y’izamu rya Miroplast ariko umunyezamu Jean Paul ababera ibamba.

Mu gice cya kabiri ikipe ya Miroplast yakinnye yigengesereye kugira ngo itaza gutsindwa igitego ndetse biza kubahira aho iminota 10 ya nyuma y’umukino bakoze amayeri yose yo gutinza umukino birangira babashije kubona inota rimwe nubwo ritabafashije kuva ku mwanya wa nyuma.

Umutoza Jimmy Mulisa wasaga n’uwasuzuguye Miroplast Fc yari yahinduye ikipe yari imaze iminsi ikina aho yagaruye mu kibuga abakinnyi nka Ngabo Albert,Nsabimana Aimable,Nshuti Innocent na Itangishaka Blaise bari basanzwe ari abasimbura.

Kuba APR FC inaniwe gutsinda Miroplast FC,bitumye iguma ku mwanya wa 3 n’amanota 21 aho irusha na Kiyovu Sports ya mbere amanota 3 ,ikarushwa rimwe na AS Kigali ya kabiri.

Uko imikino y’uyu munsi yagenze:
Bugesera FC 0-0 Etincelles
Sunrise 1-1 Amagaju
APR FC 0-0 Miroplast
Mukura VS 1-1 Marines FC

Abakinnyi babanje mu kibuga ku mpande zombi:
APR FC: Mvuyekure Emery, Rukudo Dennis,Buregeya Prince, Nsabimana Aimable, Ngabo Albert,Bizimana Djihad, Nshimiyimana Amran, Nkinzingabo Fiston, Iranzi J.Claude, Itangishaka Blaise, Nshuti Innocent.

Miroplast FC: Mutabazi Jean Paul, Rwigema Yves, Kagaba Obed, Habimana Yussuf, Umugwaneza Pacifique, Mugiraneza Jean Claude, Gisa Egide, Mukamba Namasombwa, Ngabo Mucyo Fred Januzaj, Mouhamed R, Tuyisenge Pekinho.