Kigali

APR FC inyagiye murumuna wayo Marines FC ishimangira umwanya wa mbere

Imikino   Yanditswe na: Dusingizimana Remy 20 April 2018 Yasuwe: 1937

Mu mukino w’umunsi wa 17 wa shampiyona wahuje amakipe 2 ya gisirikare, APR FC yanyagiye Marines FC ibitego 5-2,ikomeza gushimangira umwanya wa mbere w’agateganyo wa shampiyona y’u Rwanda AZAM Rwanda Premier League.

Mu mukino wabereye kuri stade Amahoro,ikipe ya APR FC imaze kunyagira Marines FC y’I Rubavu ibitego 5-2 biyifasha gukomeza kuyobora urutonde rwa shampiyona by’agateganyo mbere y’uko ibigugu bahanganye bikina.

Hakizimana Muhadjiri yitwaye neza muri uyu mukino kuko yatsinze ibitego 2 bibanza, icya mbere yagitsinze ku munota wa 28 icya kabiri agitsinda ku munota wa 34 byatumye ikipe ya APR FC irangiza igice cya mbere iyoboye n’ibitego 2-0.

Mu gice cya kabiri,APR FC yaje ishaka kungera umubare w’ibitego biza no kuyihira kuko ku munota wa 49 Rugwiro Herve yashyizemo igitego cya 3 ku mupira waturutse muri koloneri.

Ikipe ya Marines yagarutse mu mukino ku munota wa 54,ubwo umusore wayo witwa Mahoro Nicolas yafunguraga amazamu ku mupira yiherewe n’umunyezamu Kimenyi Yves wafashe umupira ukamusika uyu mukinnyi akawutera mu izamu.

Marines FC yakomeje kotsa igitutu byayifashije kubona igitego cya kabiri ku munota wa 73 gitsinzwe na Christian ku mupira yiherewe na Ntaribi wagiye mu izamu rya APR FC asimbuye Kimenyi wavunitse.

Abafana ba APR FC imitima yavuye mu gitereko nyuma y’uyu mukino gusa bongera kugarura icyizere ku munota wa 78 ubwo Ombolenga Fitina yatsindaga igitego cya kane ku mupira wari uturutse kuri Coup franc yatewe neza na Muhadjiri.

Mu minota y’inyongera Amran Nshimiyimana yashenguye imitima y’abafana ba Marines FC ubwo yatsindaga igitego cya 5 cyasoje umukino.

Kugeza ubu ikipe ya APR FC ikomeje kuyobora urutonde rwa shampiyona by’agateganyo n’amanota 34 mu gihe ikurikiwe na Rayon Sports ifite amanota 30 n’imikino y’ibirarane 2 cyo kimwe na AS Kigali ifite amanota 29 ku mwanya wa 3.

Uko imikino y’uyu munsi yagenze:
Gicumbi FC 1-0 Sunrise FC
Bugesera FC 0-0 Musanze FC
Etincelles FC 1-0Espoir FC
Kirehe FC 2-1 Amagaju FC

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Umuhanga mu by’ikoranabuhanga yavuze ko agiye gukora Lionel Messi...

Umuhanga mu by’ikoranabuhanga witwa Arcadi Navarro, yavuze ko ashobora...
20 March 2019 Yasuwe: 176 0

Umutoza w’Amavubi Mashami yatangaje abakinnyi 23 azajyana muri Cote...

Umutoza w’ikipe y’igihugu Amavubi,Mashami Vincent,yamaze gutangaza urutonde...
20 March 2019 Yasuwe: 1080 0

Jose Mourinho yavuze umukinnyi yagura amafaranga menshi kurusha abandi ku...

Umutoza Jose Mourinho wahoze atoza ikipe ya Manchetser United...
20 March 2019 Yasuwe: 4235 0

Zlatan Ibrahimovic yagiriye inama umutoza wa Manchester United Ole Gunnar...

Rutahizamu wa LA Galaxy,Zlatan Ibrahimovic yasabye umutoza wa Manchester...
20 March 2019 Yasuwe: 1874 0

Umukinnyi wo muri Turkia yakuyemo ikabutura yereka abafana ba mukeba...

Umukinnyi witwa Mahmut Onur Toprak w’ikipe ya Sanliurfa Genclerbirligi...
20 March 2019 Yasuwe: 2289 0

Umuherwe utunze miliyari 21 z’amapawundi yashyize akayabo ku meza kugira ngo...

Umuherwe wa mbere mu Bwongereza witwa Sir Jim Ratcliffe yamaze gutangaza ko...
20 March 2019 Yasuwe: 2324 0