Kuri uyu wa Gatatu nibwo imikino yo ku munsi wa 2 w’igikombe cy’agaciro Development Fund aho ikipe ya Police FC imaze gutsindwa n’ikipe ya APR FC ibitego mu mukino watangiye ku I saa cyenda n’igice kuri Stade Amahoro I Remera. Ikipe ya APR FC itsinze umukino wa kabiri w’Agaciro Development nyuma y’aho ku munsi wa mbere yari yatsinze AS Kigali ibitego 2-0, bityo amahirwe yo kwegukana iki gikombe akomeza kwiyongera dore ko hazabarwa amanota aho iyagize menshi ariyo izacyegukana.
Nubwo ikipe (...)

Sponsored Ad

Kuri uyu wa Gatatu nibwo imikino yo ku munsi wa 2 w’igikombe cy’agaciro Development Fund aho ikipe ya Police FC imaze gutsindwa n’ikipe ya APR FC ibitego mu mukino watangiye ku I saa cyenda n’igice kuri Stade Amahoro I Remera.

Ikipe ya APR FC itsinze umukino wa kabiri w’Agaciro Development nyuma y’aho ku munsi wa mbere yari yatsinze AS Kigali ibitego 2-0, bityo amahirwe yo kwegukana iki gikombe akomeza kwiyongera dore ko hazabarwa amanota aho iyagize menshi ariyo izacyegukana.

Nubwo ikipe ya Police FC yaguze abakinnyi bakomeye, ntabwo barabasha gukina nk’ikipe kuko barushijwe cyane n’ikipe ya APR FC kuva umupira utangiye kugeza urangiye.Ikipe ya APR FC yafunguye amazamu ku munota wa 11 ku gitego cya cyatsinzwe na Djihad Bizimana ku ishoti rikomeye yateye.

Nyuma y’iki gitego ikipe ya APR FC yakomeje gusatira ku buryo bukomeye ndetse Police FC ikagenda idahuza umukino cyane ko batumvikanaga mu kibuga byatumye ubwo igice cya kabiri cyatangiraga ku munota wa 54 APR FC Hakizimana Muhadjiri ku mupira mwiza yahawe na Bigirimana Issa.

Nyuma yo gutsindwa igitego cya kabiri ikipe ya Police FC yatangiye kwisubiraho ndetse itangira guhuza umukino nyuma y’aho abakinnyi ba APR FC basaga n’abatangiye gusubira inyuma byatumye ku munota wa 66 ikipe ya Police FC yishyura igitego cya mbere cyatsinzwe na Isaie Songa winjiye mu kibuga asimbuye.

Ikipe ya Police FC yakomeje gusatira bikomeye ari nako ba myugariro ba APR FC bagendaga bakora amakosa cyane gusa ikipe ya Police FC igenda itakaza amahirwe.

Ikipe ya APR FC yaje kongera kwisuganya nyuma y’impinduka zitandukanye zakozwe n’umutoza Jimmy Mulisa byaje kuyifasha kuko ku munota wa 90 w’umukino Imran Nshimiyimana yaje gutsinda igitego cya 3 ndetse umukino urangira APR FC itsinze Police FI ibitego 3-1.